Qazaqstanda McDonald’s brendınıŋ meiramhanalary jūmysyn toqtatty. Franşizanyŋ jūmysyn toqtatuyna Reseiden keletın et tasymaldau qyzmetınıŋ toqtauy sebep bolǧan, dep habarlaidy "Adyrna" ūlttyq portaly.
Et jetkızu mäselesınıŋ tuyndauyna bailanysty MsDonald’s franşizasy Qazaqstandaǧy jūmysyn bırjolata toqtatynyn mälımdedı. Būǧan deiın korporasiia ökılderı Reseiden et tasymaldap, öz qyzmetın jürgızıp kelgen.
Būǧan qatysty QR Auyl şaruaşylyǧy ministrlıgınıŋ baspasöz qyzmetı tömendegıdei mälımdeme jasady:
Negızınen alǧanda, Qazaqstandaǧy McDonald’s brendınıŋ alǧaşqy meiramhanasy 2016 jyly aşyldy. Elde jalpy 24 meiramhanasy boldy. Olar Almaty, Astana, Atyrau, Aqtöbe, Qostanai, Qaraǧandy qalalarynda ornalasty. Meiramhanalar 2000-ǧa juyq adamdy jūmyspen qamtyǧan.
- McDonald's meiramhanalar jelısı reseilık et önımderı jäne jartylai fabrikattarmen qamtamasyz etıldı, onda kompaniianyŋ ırı taratu ortalyqtary boldy. Bıraq McDonald's-tyŋ Reseiden ketuıne bailanysty şikızatty jetkızude mäsele tuyndady.Jurnalist Aidos Jūqanūly McDonald's meiramhanalar jelısınıŋ elden ketu sebebıne qatysty:
- 30 jylda McDonald's-ke qarapaiym kotlet äzırlei almaǧan agrarly Qazaqstan, - dep pıkır bıldırdı.Qazaqstannyŋ Qoǧam qairatkerı Mūrat Äbenov älemge äigılı brendtıŋ elden ketuın jaqsy ürdıske balamaidy.
Älemge äigılı brendter Qazaqstannan qaşqany jaqsy ürdıs emes. Şet eldıŋ myqty investorlarlar endıgı kezde "Jaŋa Qazaqstandy" alystan ainalyp ötedı, bızdıŋ reformalarǧa senbeidı degen söz. Onyŋ oryna Reseidıŋ restorany kelse, tıpten, şyn "qoqystyq" deŋgeimızdı dünie jüzıne "paş etedı", -dep jazdy Mūrat Äbenov.
"Adyrna" ūlttyq portaly
Ūqsas jaŋalyqtar
