Şymkent qalasy, Eldorado dämhanasynyŋ qyzmetkerlerı qazaqşa jazylǧan mäzırdı talap etken qoǧam belsendısı Asan Anarbaiǧa "Daiarşy mäzırdı qazaqşa tüsındırgenı üşın sızden 10% obslujivanie alynady" dep jauap bergen. Qoǧam belsendısı dämhana qyzmetkerınıŋ būl äreketın anyq qazaq tılın şettetu, qazaq tıldı qoǧamnyŋ qūqyǧyn taptau dep sanap otyr, dep habarlaidy "Adyrna" ūlttyq portaly.
- Bügın bala-şaǧamen oinap bolǧan soŋ, oiyn-sauyq ortalyǧyna jaqyn jerge tamaqtanuǧa bardyq. Eldorado dämhanasy. Şymkent qalasy Bäidıbek bi daŋǧyly 25 «A» üide ornalasqan. As mäzırın qazaqşa sūrap edım qabaǧyn tyrjitty. Daiaşy jıgıt «qazaqşasy joq» dep kesıp aitty. Äkımşısın şaqyrtuyn ötındım. Bır uaqytta kelıp, sūrauymyzdy jetkızgenın, esıgınıŋ syrtyna «Staff only» degen jazu ılıngen bölmede otyrǧanyn aitty. Tapsyrys berdık. Pissa-missa, su-pu äkelındı. Älden uaqyt boldy. Älgı «qūpiia esıkke» kırıp-şyqqandardan äkımşını sūraimyn. Bırı ışte otyr dese, bırı şyǧyp ketken deidı.
Qazaq tıldı azmattyŋ saualyna jauap beruden aşyq bas tartqan dämhana basşylyǧy ne qyzmetkerlerımen bailanysu üşın Asan Anarbai äleumettık jelılerdegı paraqşalaryna jügıngen. Ondaǧy bailanys nömırlerınen de mardymdy jauap ala almaǧan. Ol jaila avtor tömendegıdei jazdy:
Telefondy aqtaryp jıberdık. https://eldoradopizza.kz saitynan bailanys aqparatyn tauyp (saity, Instgram, TikTok paraqtary da orysşa), +77070011717 nömırıne habarlastym. Saǧat 18:50 ketkende tūtqany kötergen äiel adam sözımdı şart kesıp «bızde qazaqşasy joq» dedı de 71 sekundta tastai saldy. Al kerek bolsa... Būǧyp qalatyn men emes. Taǧy qoŋyraulattym. Sondaǧy aitqany nūr.kz jazatyndai «jaǧa ūstatty». Zaŋ küşıne engelı bır jyldan assa da endı qazaqşalanyp jatyr dedı. «Jaǧa ūstatqany» mynau:
«Eger de meniudaǧy taǧamnyŋ türlerı tüsınıksız bolsa, daiaşy qospasyn, barlyǧyn qazaq tılınde tüsındırıp beredı. Tüsındırgenı üşın 10%-tık obslujivanie alynady» deidı. Qazaqşa sapaly ärı tolymdy qyzmet sūrap tūrǧan tūtynuşyny mazaq qylǧany ma älde... Äiteuır tüsıne almadym. Kompaniianyŋ kelbetı sanalatyn operatordyŋ ekı sözınıŋ bırı orysşa, - dep qaiyrdy azamat.
Asan Anarbai Eldorado dämhanasyna qarasty bailanys qyzmetkerınıŋ ūlttyq tıldıŋ özın şūbarlap, tıldık diskriminasiiaǧa bastamaşy bolyp otyrǧandyǧyn aiyptaidy. Onyŋ qazaq tılınde sapaly qyzmet aluynyŋ özı mūŋǧa ainalǧanyna qapalanady.
- Eŋ qasırettısı – «orysşa mäzırdı qazaqşalap tüsındırgenı 10%-dyq qyzmet aqyǧa kıredı» eken. Būryn-soŋdy tıldık diskriminasiianyŋ mūndai auyr türıne ūşyrasyp körmegem. Qatty tidı. 102-ge tere bergende älgı «syrtqa şyqpaityn äkımşınıŋ esıgınen» bıreu şyǧyp, üstelımızge keldı. Kezekşı poliseige qajet bolsa, keiınırek habarlasam dedım. Özın osy kafenıŋ qojaiyny, aty Nūrjan dep tanystyrǧan er adam sözınıŋ arasynda qaita-qaita qazaq tılınıŋ patrioty ekenın aita berdı, - dedı tıl janaşyry.
Keiınnen ötkır şyndyqty arqau etken jazba avtory qazaq tıldı qoǧamdy qorsynudyŋ respublikalyq deŋgeide "keŋ sipat" alǧanyn aşyq aitady. Tıptı, qazaq kinoönerınıŋ özı qazırgı taŋda aiyr tılde tüsırıletın bolyp jürgenın synǧa alady. Käsıptıŋ basynda jürgender, halyq igılıgı üşın türlı öner tuyndysyn jasap jatqandar, el alǧysy men halyq yqylasyna bölengengen qazaq tılın sanasyna sıŋırıp, onyŋ qūdıretın tüsınuge şaqyrady. Ony tıl maidanynyŋ küreskerı bylaişa suretteidı:
- «Ötkende «Tüngı studiiada» Nūrlan Qoianbaev «Biznes po kazahski»dı nege orysşa aralas tüsırgenın aitty. Sonda tek qazaqşa tüsırse köpşılıkke ötpeitın edı deidı...» bla-bla-bla... Uäjınıŋ türı.
Toqeterı, qazaqşa as mäzırı söz basynda 3 künde, söz soŋynda 2 aptada daiyn boladyǧa keldı.Qazaqy öŋır degen joq. Qylmys, zaŋsyzdyq meken de, adam da talǧamaidy. Būl jaǧdaidy täpıştep jazyp otyrǧanym – bar käsıpker, azamat, tūrǧyn «Qazaq tılınıŋ» jylyn sana-sezımımen tüisınıp, äreket etse degen tılek, - dep jazdy qoǧam belsendısı būǧan qatysty.
"Adyrna" ūlttyq portaly
Ūqsas jaŋalyqtar
Şymkent
Qazaq tılı
Tıl
qazaqşa mäzır
ūlttyq tıl
qazaq tıldıler
mäzır
tıldık diskriminasiia
Eldorado
meniu
