Aqtóbede -26 gradýs aıazda 20-dan asa kópqabatty úı jylýsyz qaldy. Turǵyndar páterlerinde jylý joqtyǵyn aıtyp shaǵymdanýda. Bul týraly Dıapazon jazdy, dep habarlaıdy “Adyrna” ulttyq portaly.
Jylýmen jabdyqtaýshy uıym tótenshe jaǵdaıdyń sebebin armatýralardyń zaqymdanýymen túsindirdi.
“7 qańtarda keshke aıaz kúsheıip, túnde syrttaǵy aýa temperatýrasy -26 gradýsqa deıin tómendedi. Túni boıy apat bolyp, adamdar jumys istep jatqanyn aıtty. Tańerteń jylýdy qosýǵa áreket jasady. Alaıda ol jumys istemedi. Endi olar jylý júıesindegi sýdy qaıtadan tógip tastady”, - deıdi turǵyndar.
Al «Aqtóbe sý-energotop» AQ málimetinshe, tótenshe jaǵdaı Ábilqaıyr han dańǵyly, 84 mekenjaıyndaǵy ysyrmalardyń zaqymdalýymen baılanysty bolyp tur. Ol shuǵyl aýystyrýdy qajet etedi.
Kásiporynnyń málimetinshe, ystyq sý men jylý myna mekenjaılar boıynsha shektelgen:
- Abylaı han dańǵyly 64, 66, 68, 70, 70/1, 72, 74, 76, 78, 80, 82, 84;
- M. Ospanov kóshesi 52, 52/2, 54A, 54B, 54/1, 54/2, 57;
- Aldııarov kóshesi 2, 6;
- G. Jubanov kóshesi 50.
«Kásiporyn mamandary jylý kamerasynda jumysqa kiristi. Olar aıaqtalǵannan keıin ystyq sý men jylýdy berý shtattyq rejımde qalpyna keltiriledi», - delingen kompanııa habarlamasynda.
