«ArselorMittal Temırtau» AQ-na qarasty JEO-2-ge qatysty jospardan tys tekseru jürgızıldı, dep habarlaidy “Adyrna” tılşısı.
Energetika ministrlıgınıŋ mälımetınşe Atomdyq jäne energetikalyq qadaǧalau men baqylau komitetınıŋ Qaraǧandy oblysy boiynşa aumaqtyq departamentıne Temırtau qalasynyŋ äkımdıgı osy jylytu mausymy bastalǧaly berı tırkelgen «Arselor Mittal Temırtau» AQ JEO-2 boiynşa jylu jelılerı jūmysynyŋ temperaturalyq kestesın saqtamau jaǧdailaryna bailanysty jügıngen.
«Osy fakt boiynşa 2022 jylǧy 28 jeltoqsannan 2023 jylǧy 9 qaŋtarǧa deiın Departament elektr energetikasy salasyndaǧy normativtık qūqyqtyq aktıler talaptarynyŋ saqtaluyna jospardan tys tekseru jürgızdı. Tekseru qorytyndysy boiynşa 2023 jylǧy 10 qaŋtarda tekseru barysynda anyqtalǧan būzuşylyqtardy joiu, atap aitqanda, Temırtau qalasynyŋ tūtynuşylaryn senımdı jylumen qamtamasyz etu üşın kül ūstaityn qondyrǧylardy jöndeu jäne bu qazandyqtarynyŋ önımdılıgın arttyru boiynşa tiıstı nūsqama berıldı», - delıngen habarlamada.
