«AMANAT» partiiasynyŋ hatşysy Däulet Kärıbek «Aşyq alaŋ baǧdarlamasyna qatysyp, elımızdegı saiasi transformasiialardyŋ baǧyt-baǧdary turaly pıkır bıldırdı.
Ol öz sözınde öŋırlık basqaruǧa derbestık beru kerektıgın atap öttı.
«Pandemiia kezınde Jambyl oblys äkımınıŋ orynbasary qyzmetın atqardym. Därı-därmek alaiyn deseŋ, ony bırınşı Densaulyq saqtau ministrlıgı satyp aluy kerek. Al vedomstvo därı-därmekke «SQ-Farmasiia» arqyly qol jetkızedı. Ol saǧan jetem degenşe bıraz mäsele bolady. Jer kodeksı boiynşa toqtalaiyq. Būryn ülken jäne bır adamnyŋ qolyna jinalyp qalǧan jerlerdı anyqtau Ükımettıŋ qūzıretınde bolatyn. Bıraq ony jergılıktı mäslihattar anyqtaidy. Osyndai jergılıktı jerlerge jūmysty tapsyru arqyly ony jeŋıldetıp, tezdete alamyz. Bılım salasynda vertikaldy basqaru sänge kırıp, bükıl mektep tıkelei basqarmaǧa qaraityn boldy. Mysal aitaiyn. Bır audannyŋ bılım beru mekemesınde jel tūryp, onyŋ şatyry qūlasa, sız bır künde jöndeu jürgıze almaisyz. Öitkenı ol oblystyq basqarmanyŋ baqylauyna alynǧan. Audan bırınşı tötenşe jaǧdai jariialap, qarjy saluy tiıs. Osy aralyqta bırşama uaqyt ötedı. Sol sebeptı bilıktı audandyq äkımşılıkke beru kerek. Audanǧa audan äkımı jauap bere me, tura solai mektepterdı qarau kerek. Vertikaldyq basqarudan bas tartu arqyly şeşımderdı tez qabyldai alamyz»,—dedı ol.
