Qazaq elınde ömır sürıp jatqan etnikalyq kärıs azamaty Vladislav Ten qazaq tılıne degen qyzyǧuşylyǧynyŋ qalai oianǧanyn aityp, jan tebırenter jazba jariialady. Kärıs azamatynyŋ aituynşa, qazaq halqynyŋ şapaǧatyn körgen özge etnos ökılderı öte köp. Avtordyŋ basty armany da Qazaq elınıŋ ärbır azamatyn qazaqşa erkın söileitın deŋgeige jetkızu, dep habarlaidy “Adyrna” ūlttyq portaly.
Avtor öz sözınıŋ kırıspesınde tereŋ tarihty tolǧady:
- Bızdıŋ ata-babalarymyz 1937 jyly deportasiiaǧa ūşyrap Qazaq jerıne erıksız kelıp tüskende qazaqtar olarmen soŋǧy nanyn bölısıp, ajaldan qūtqaryp, kömek bergenı üşın korei halqynan alǧys bıldıremın. Sol kezde qazaq halqy ata-babalarymyzǧa qol ūşyn bermegende menıŋ özım de, menıŋ ekı balalarym da, menıŋ köptegen tuys-tuystarym da būl düniege kelmes edık jäne osy alǧysymdy däl qazır jazyp otyrmas edım. Qazaq jerı koreiler üşın kielı ärı qasiettı jer bolyp tabylady. Men Taşkent qalasynda tuǧanmyn. Menıŋ Otanym, tuǧan jerım - Özbekstan. Äke-şeşem men tuǧan qaryndasym menen būryn Qazaqstanǧa qonys audarǧan edı. Degenmen ata-anamnyŋ jalǧyz ūly bolǧannan keiın korei mädenietın saqtau üşın olarmen bırge ömır süruım kerek ekenın men de, olar da bılıp, bır künı olardyŋ "Balam, sen Astanaǧa kep osy jerde bırge tūraiyq!" degen şaqyruymen osy jerge kelıp men üşın jaŋa ömır bastalyp, qazaq tılın bıluge degen qyzyǧuşylyǧym artyp bar yntammen oqyp üirene bastadym, - dedı Vladislav Ten.Qazaqqa degen köŋılı men yqylasy airyqşa azamattyŋ bolmysy da, arman-maqsaty da erekşe.
- Maǧan tek qana tıl emes, jalpy qazaq halqynyŋ özı, salt-dästürı ūnai bastady, maqaldaryn tüsıne bastadym. Sodan özıme: "Nege men qazaq tılın damytu üşın osynşa janymdy berıp jūmys jasap jatyrmyn?"- dep sūraq qoidym. Sol sūraǧyma özım jauap tapqan siiaqtymyn. Menıŋ oiymşa, Alla taǧala menı Qazaqstanǧa ata-babalarymnyŋ atynan alǧys aitu üşın jıbergen siiaqty. Sol qiyn kezde menıŋ ata-babama kömek bergen qazaq halqyna degen qūrmetımdı ärqaşan da alǧa qoiamyn. Qazaq halqynyŋ eŋ jaqsy qasietterınıŋ bırı būl osy jerde tūryp jatqan ärbır halyqty qūrmettei bıledı. Mysaly, bızdı, korei halqyn, ünemı “eŋbekkor “dep ataidy. Būl bızdı joǧary baǧalai bılgenı dep eseptep, ärı qarai Qazaq jerı üşın, onyŋ jan-jaqty damuyna jan aiamai, eŋbek etuge daiynmyn. Sondyqtan öz basym qazır qazaq tılın damytuda jūmys ıstei bastadym. Al menıŋ maqsatym jäne armanym Qazaqstandaǧy barlyq adamdardyŋ qazaqşa erkın söilei bıluı! - dep oiyn tüiındedı tıl janaşyry.“Adyrna” ūlttyq portaly Vladislav Tennıŋ qazaq qoǧamyndaǧy ana tılın bılmeitınderge qatysty pıkırın ūsynady. Onyŋ paiymdauynşa, qazaq tılınıŋ örkendeuıne qoǧamdaǧy ärbır azamat pen bala tärbilep otyrǧan ata-ana jauapty.
“Adyrna” ūlttyq portaly
Ūqsas jaŋalyqtar
