Dımash shyrqap án salady, Ester Ýlman tamsanady

2098
Adyrna.kz Telegram

65 jastaǵy Ester Ýlman — Shveıarııa turǵyny. Qazirgi tańda ol qazaq tilin úırenip júr. TikTok jelisinde tanymal bolyp úlgergen áıel «Adyrna» tilshisine til meńgerýge degen qyzǵýshylyǵy neden bastalǵanyn aıtyp berdi.

«Barlyǵy da Dımash Qudaıbergenniń ónerin tamashalaǵannan keıin bastaldy. Onyń shyǵarmashylyǵymen America’s Got Talent baıqaýy kezinde tanystym. Óneri meni tańǵaldyrdy. Osylaısha ártistiń talantyna bas ıgen mıllıondaǵan jankúıeriniń birine aınalǵan jaıym bar. Keıin ánderiniń ne týraly ekenin uǵynyp, ultynyń mádenıetimen jaqynyraq tanysý úshin qazaq tilin úırenýge bel býdym. Shyny kerek, meniń jasymda jańa tildi meńgerý ońaı emes. Dese de, barynsha tyrysyp júrmin. Baqytyma oraı, onlaın kýrs taýyp, jazylyp aldym. Qazirgi tańda qazaq tilinen sabaq beretin muǵalimim de bar», - deıdi ol.

Shveıarııalyq áıel qazaqtardyń qonaqjaı halyq ekenin erekshe atap ótti.

«Men Qazaqstanda 2 márte boldym. Alǵash ret 2022 jyldyń qyrkúıeginde Dımashtyń Almatyda ótken konertine kelgen edim. Otandastaryńyz meni óte jyly, zor qurmetpen qarsy aldy. Bundaı ystyq iltıpatty kútpedim. Ekinshi ret, mine, bıyl sizdermen birge Naýryz merekesin atap óttim. Atmosfera erekshe boldy. Osy saparymda kóptegen qazaqstandyqpen tanystym. Olarmen birge Almatynyń ádemi jerlerin aralap, kójeden dám táttim.

Meni durys tanymaıtyn jandarǵa deıin úılerine ne meıramhanalarǵa shaqyryp, dastarhandarynan dám tattyrdy. Úıime qaıtarda syılyq toly bagajben kettim ǵoı. Bunyń barlyǵy da eshqashan umytylmaıtyn, tańǵajaıyp estelikter!»-deıdi Ester Ýlman.

Áńgime barysynda ol Qazaqstanǵa taǵy da kelgisi keletinin jetkizdi.

“Aldaǵy ýaqytta basqa da oblystar men qalalardy aralaǵym keledi. Ol kezde budan da kóp emoııa alatynyma senimdimin. Barshańyzdy qazaq tilin úırenýge shaqyramyn. Qazaq tili — óte ádemi til»,- deıdi shveıarııalyq áıel.

Dıana ASAN

"Adyrna" ulttyq portaly

Pikirler