QR Ǧylym jäne joǧary bılım ministrı Saiasat Nūrbek AQŞ-qa jūmys saparyn Harvard University ökılderımen kezdesumen aiaqtady. Is-şara barysynda Garvard studentterınıŋ Qazaqstanda taǧylymdamadan ötuı turaly uaǧdalastyqqa qol jetkızıldı. Būl turaly Ǧylym jäne joǧary bılım ministrlıgı mälımdedı, dep habarlaidy «Adyrna» tılşısı.
AQŞ-taǧy soŋǧy jūmys künı ministr Saiasat Nūrbek Harvard Innovation Lab, The New England Commission of Higher Education, Davis Center fo Russia and Eurasia studies Harvard Kennedy School basşylyǧymen, Duglas Dillon atyndaǧy memlekettık basqaru professory Grem Allison jäne Garvard Kennedi mektebınıŋ halyqaralyq qarjy jäne damu jönındegı Sumitomo - FASID professory, Halyqaralyq damu ortalyǧynyŋ direktory Azim Khvadjamen kezdesu ötkızdı. Is-şara barysynda vedomstvo basşysy Qazaqstandaǧy joǧary bılım men ǧylym jüiesı, ministrlık aldynda tūrǧan perspektivalar men basymdyqtar turaly aityp berdı. Sondai-aq, QR joǧary bılımın damytu maqsatynda jetekşı älemdık joǧary oqu ornymen serıktestık ūsynyldy.
Öz kezegınde professor Azim Khvadja ministrdı özı basqaratyn ortalyqtyŋ qyzmetımen tanystyrdy. Ol özınıŋ qyzyǧuşylyǧyn atap ötıp, yntymaqtastyqty Qazaqstandaǧy Garvard studentterınıŋ taǧylymdamasynan bastaudy ūsyndy. Ministr Saiasat Nūrbek būl bastamany qoldady.
Sonymen qatar, taraptar joǧary oqu oryndarynyŋ bılım aluşylary men ǧalymdarmen almasu boiynşa mümkın bolatyn jobalardy talqylady.
Qazaqstandyq joǧary oqu oryndary men Garvard universitetı arasyndaǧy yntymaqtastyqty odan ärı talqylau üşın Saiasat Nūrbek professor Azim Khvadjany Qazaqstanǧa şaqyrdy, şaqyru oŋ qabyldandy.
Resmi kezdesulerden keiın ministr Harvard University jäne MIT-de oqityn qazaqstandyqtarmen kezdestı. Studentter şetelde oqudan alǧan äserlerımen bölıstı. Öz kezegınde ministr studentterge joǧary bılım jäne ǧylym salasynda jürgızılıp jatqan reformalar turaly aityp, jas zertteuşıler men ǧalymdardy qoldau boiynşa memleket qolǧa alyp otyrǧan şaralardy erekşe atap öttı.
Ūqsas jaŋalyqtar
