Qazaqstandyq Danil Vasilev şaŋǧymen sekıru sportynan AQŞ-tyŋ Leik-Plesid qalasynda ötıp jatqan Universiadada altyn medal jeŋıp aldy, dep habarlaidy “Adyrna” tılşısı Sports.kz -ke sılteme jasap.
Vasilev qalypty şaŋǧymen sekıru jarysynda jeŋıske jettı. Bırınşı talpynysta ol 127,2 ūpaimen bırınşı oryn alsa, soŋǧy ainalymda ekınşı (130,1) bolyp märege jettı.
Ekı kezeŋnıŋ qosyndysynda qazaqstandyq avstriialyq Maksimillian Linherdı (251,4) jäne Timon Paskal Kahoferdı (248,8) basyp ozyp, 257,3 üzdık nätije körsettı.
Basqa qazaqstandyq sportşylardyŋ nätijesı mynadai: Sergei Tkachenko – jetınşı (220,9), Nikita Deviatkin – toǧyzynşy (216,2), Sviatoslav Nazarenko – 20 (147,3), Maǧjan Amangeldıūly – 21 (144,5). Vasilevtıŋ medalı Qazaqstan üşın biylǧy Universiadadaǧy ekınşı medal boldy.
Būǧan deiın bırınşı «altyndy» biatlonşy Vadim Kurales jeŋıp alǧan bolatyn.
Ūqsas jaŋalyqtar
