QR Memlekettık keŋesşısı Erlan Qarin saiasi quǧyn-sürgın qūrbandaryn tolyq aqtau jönındegı memlekettık komissiianyŋ kezektı otyrysyn ötkızdı. Būl turaly Aqordanyŋ baspasöz qyzmetı habarlady, dep jazady "Adyrna" ūlttyq portaly.
"Jiynda Memlekettık komissiianyŋ 2022 jyly atqarǧan qyzmetınıŋ negızgı qorytyndylary qaraldy. Memlekettık komissiia jūmysynyŋ basty nätijelerınıŋ bırı retınde saiasi quǧyn-sürgın tarihyna arnalǧan materialdar men qūjattardyŋ 31 tomdyq jinaǧynyŋ jaryq körgenın aituǧa bolady. Otyrys barysynda eŋbektı daiyndaǧan avtorlardyŋ qatysuymen köptomdyqtyŋ tūsaukeser räsımı öttı",- delıngen Aqorda taratqan habarlamada.Kıtaptar HH ǧasyrdyŋ 20-50 jyldaryndaǧy saiasi quǧyn-sürgın qūrbandarynyŋ türlı sanattaryna qatysty būryn jariialanbaǧan arhiv qūjattary men materialdarynan qūralǧan. Memlekettık komissiianyŋ materialdaryn jaryqqa şyǧaru jūmysy biyl da bıryŋǧai seriia şeŋberınde jalǧasatyn bolady. Sondai-aq, tiıstı memlekettık organdardyŋ basşylary arnaiy jäne vedomstvolyq arhiv qorlaryndaǧy qūjattardy qūpiiasyzdandyruǧa, arhiv materialdaryn jüieleuge jäne sifrlandyruǧa qatysty atqarǧan jūmystary jaiynda baiandady.
"Saiasi quǧyn-sürgın qūrbandaryn tolyq aqtau jönındegı memlekettık komissiianyŋ 2022 jyly atqarǧan jūmysynyŋ qorytyndysy: 1) Bas prokuraturanyŋ, Işkı ıster ministrlıgınıŋ jäne Ūlttyq qauıpsızdık komitetınıŋ arhivterınde zertteu jūmystary jürgızılıp, 2,5 millionnan astam materialdar qūpiiasyzdandyryldy. 2) 311 myŋ adam aqtaldy. 3) 31 tom derekter jinaǧy jaryqqa şyqty. 2023 jyly da Komissiia öz jūmysyn jalǧastyrady", - dep jazdy Erlan Qarin özınıŋ Instagram paraqşasynda.Jiyn soŋynda 2023 jyly qolǧa alynatyn basty baǧyttar boiynşa, ǧylymi-zertteu jäne quǧyn-sürgın qūrbandaryn aqtau jūmystaryn jalǧastyruǧa qatysty tapsyrmalar berıldı.
"Adyrna" ūlttyq portaly
