Barar jer, basar tauy qalmai, qiyndyqqa tap bolǧan köpbalaly anaǧa halqy şapaǧatyn töktı. Jurnalister, qoǧam qairatkerlerı men erıktıler qytymyr qystyŋ suyǧynda dalada qalǧan köpbalaly anaǧa qarajat jinau üşın arnaiy şot aşty. Segız kün ışınde 22 million teŋgeden astam aqşa jinaldy, dep habarlaidy “Adyrna” ūlttyq portaly.
Köpbalaly ana Nazira Düisebaeva quanyştan şyqqan köz jasyn tyia almady. Onyŋ jaldap tūryp jatqan üiınıŋ tügı qalmai örtenıp, alty balasymen dalada qalǧan edı. Degenmen abzal ana qonys toiyn toidady. Ol halqynyŋ demeuımen ekı qabatty üige qol jetkızdı, dep habarlaidy otyrar.kz.
Qiyndyqqa tap bolǧan köpbalaly ananyŋ zaryn estıgen jurnalister, qoǧam qairatkerlerı men erıktıler qarajat jinau üşın arnaiy şot aşty. Segız kün ışınde el azamattarynan oǧan 22 million teŋgeden astam aqşa kelıp tüstı.
"Qatty quanyp tūrmyn. Būl - balalarymnyŋ baqyty. Aqyry öz üiımızge de qol jetkızdık. Qarapaiym halyqqa ärı maǧan kömektesuge niet bıldırgen barlyq adamǧa alǧysym şeksız. Kezınde osy üidıŋ janynan ötıp bara jatqanda, osyndai üiım bolsa ǧoi, şırkın dep armandauşy edım, endı, mıne sol armanym oryndaldy. Balalar köşıp kelıp, jaiǧasyp jatyr, bölmelerdı bölısıp. Aitqandai, örtengen jaldamaly üi "Elge qyzmet" qorynyŋ esebınen tolyqtai qalpyna keltırıldı. Olarǧa da ülken raqmet", - dedı Şymkent qalasynyŋ tūrǧyny Nazira Düisebaeva.Köpbalaly ananyŋ Qainar būlaq tūrǧyn alabyndaǧy jaŋa üiınıŋ qūny 19,5 million teŋgenı qūraidy. Jinalǧan qarajatqa nesielerdı de jabu mümkın boldy.
"Bırınşı kezekte qarapaiym halyqqa alǧys aitqym keledı. Barlyǧyna köp raqmet. Nazira qiyn jaǧdaida qalǧanda eşkım şette qalmady. Qoǧam belsendılerı de, äkımdık te, qarapaiym tūrǧyndar da mümkındıgınşe kömektestı. Bız, tıptı 22 million teŋge jinaitynymyzdy elestete almadyq. 19,5 million teŋgege baspana, qalǧanyna jihazdar jäne t.b. satyp alyndy. Sondai-aq Naziranyŋ jetı nesiesı jabyldy. Barlyǧyna aqşa jettı", - dedı "Qainar būlaq" tūrǧyn üi alabynyŋ Bas töraǧasy Aqmaral ÖmırzaqovaNazira Düisebaeva osy uaqytqa deiın baspanaly bolǧanyna sene almai jür. Köpbalaly ana körsetken kömegı üşın köpke dän riza.
“Adyrna” ūlttyq portaly
