Jazýshy, dramatýrg Saıa Qasymbek Qazaqstan Respýblıkasynyń prezıdenti bolǵan Nursultan Nazarbaevtyń kezindegi jaqtastaryna qatysty pikir bildirdi. Avtor óz ustanymdaryn “áp-sátte” ózgertip shyǵa kelgen N. Nazarbaev qoldaýshylarynyń qalaı qarsy topqa aınalǵanyn ótkir synady. Qoǵam úshin mundaı qaýipti toptyń eshteńeden taıynbaıtynyn jetkizdi, dep habarlaıdy “Adyrna” ulttyq portaly.
Jazýshy Saıa Qasymbek óz pikirin tómendegideı órbitip, bıliktegilerdiń ustanymyn synady:
“Lıderin talaý - óte qaýipti mysal. Ol mysaldy “Amanat” partııasy “Otan” dep irgetasyn qalaǵan lıderin tazsha talaýmen dáleldedi á?.. Eń qorqynyshtysy - kezinde kóz toqtatyp qaraǵanyna baqytty bolǵan partııalastary erekshe belsendi talady. Eger, búgingi depýtattardyń 80%-y elbasynyń shapanynan shyqqanyn eskersek, otaǵa túspek turmaq, tozaqtyń otyna túsersiń. Eshteńe ózgergen joq. Shyndap kelgende, partııada turǵan eshteńe joq. Basqa partııa da tap osylaı jasaryna kúmánim joq. Taqtan taıǵandy talaý - yqylym zamannan jalǵasyp kele jatqan jaıt. Tek, taqqa umtylǵandar eskerse á?..” - dep jazdy avtor buǵan qatysty.
“Adyrna” ulttyq portaly
