Shymkent qalasynyń turǵyndary qytymyr qystyń sýyǵy qysqanda jylytqyshy bar aıaldamalarǵa damyldap, boı jylyta almaıdy. Onyń barlyǵynyń esiginde qulyp tur. Bul jaıly Shymkent qalasynyń turǵyny habarlady, dep jazady “Adyrna” ulttyq portaly.
Shymkent qalasynyń turǵyny Asan Anarbaı qaladaǵy tosyn jaǵdaıdy habarlady. Qaladaǵy jylytqysh ornatylǵan aıaldamalardyń barlyǵy kiliteýli. Buǵan qatysty:
- Shymkent qalasynyń ákimdigi qystygúni jylytqyshy bar aıaldamalardy kilttep qoıady
Qaqaǵan aıazda erteli-kesh jolaýshy-qonaq úzilmeıtin Temirjol vokzalynyń aldy.
2000-shy jyldary komıssııa kelgende ashatyn ınformatıka kabıneti tárizdi.
Qonaqqa ashpaǵan aıaldamany Áıtenovke asha ma eken?
Vokzal mańy tolǵan – maskúnemder, jeńgetaılar men bomjdar. Balaǵa ne dep túsindirerińdi bilmeısiń. Dúken satýshylarynyń aıtýynsha, jeńgetaılar men dúńgershek ıeleri polıeılerge kún saıynǵy «shotal», «shapka teńgesin» berip turady.
Úshinshi megapolıs emes, kedeıshilik sheginde kúnkóris úshin arpalysyp-qyrqysqan jurt dersiń. Ákim epteı almaǵan soń qalanyń sıqy ábden quryǵan, - dep jazdy avtor.
Avtordyń shaǵymyna quzyrly mekeme tarapynan ázirge qandaı da bir resmı jaýap qaıtarylmady.
“Adyrna” ulttyq portaly
