«Qazaq gazetterı» men «Egemen Qazaqstan» bırıktırılıp, bırqatar kadrlyq özgerıster boldy. Būl turaly Almatyǧa jūmys saparymen kelgen QR Aqparat jäne qoǧamdyq damu ministrı Darhan Qydyrälı mälım ettı, dep jazady "Adyrna" ūlttyq portaly.
«Qazaq gazetterı» men «Egemen Qazaqstan» JŞS-nyŋ bırıgu jūmystary sättı aiaqtaldy. Sondyqtan «Qazaq gazetterı» dep atalatyn qūrylym öz damuynyŋ jaŋa kezeŋıne aiaq basty dep aita alamyz. Jaŋa qūrylym jaŋa ǧimaratta jūmysyn bastady. Ūjym qyzmetkerlerınıŋ jalaqysy, qalamaqy jäne syiaqy östı. Alda da atqarylatyn jūmys köp, - dep jazdy ministr.Ministrdıŋ habarlauynşa, endı «Egemen Qazaqstan», «Kazahstanskaia pravda», «Ana tılı», «Aqiqat», «Mysl», «Teŋge monitor», «Ūiǧyr avazi», «Ürker», «Aqjelken», «Baldyrǧan», «Ūlan», «Drujnye rebiata» basylymdary bır şaŋyraqtyŋ astynda qyzmet ısteidı. Būl – ortaq aqparattyq qyzmet.
"Ekı ūjymnyŋ bırıguıne orai "Qazaq gazetterınıŋ" Bas direktory bolyp akademik Dihan Qamzabekūly taǧaiyndaldy. Sondai-aq belgılı jurnalist Duman Anaş «Qazaq gazetterı" bas direktordyŋ orynbasary – Almaty filialynyŋ basşysy, Erlan Jünıs "Ana tılı" gazetınıŋ bas redaktory jäne Asyl Saǧymbekov «Mysl» jurnalynyŋ bas redaktory bolyp taǧaiyndaldy. Ärıptesterımızdı jaŋa qyzmetımen qūttyqtaimyn!", - dedı Darhan Qydyrälı.
"Adyrna" ūlttyq portaly
