"Subsidiia jyry bır jylǧa sozyldy. Halyqtyŋ bilıkke degen senımı öte tömen. Saǧattap ötetın basqosularda är ūsynystyŋ ekonomikalyq, qūqyqtyq teŋdıgın salystyrudyŋ ornyna bos uaqyt joǧaltyp, bır-bırımızge notasiia oqyp otyramyz". Būl pıkırdı «Atameken» ŪKP Töralqasy Agroönerkäsıptık keşen komitetınıŋ töraǧasy Jiguli Dairabaev aitty, dep jazady "Adyrna" ūlttyq portaly.
"Bügıngı jaǧdai halyqtyŋ bilıkke degen senımınıŋ öte tömen deŋgeide ekenın körsetıp otyr. Al fermerler bolsa, Auyl şaruaşylyǧy ministrlıgıne tıptı senudı qoidy. Nege? Mäselen, ministrlık apparatyna qaraiyqşy, kım otyr onda? Öndırıstı tüsınetın, dala men qalanyŋ aiyrmaşylyǧyn bıletınder qanşa? Rasyn aitaiyn, sausaqpen sanarlyq. Mamandar fermerlermen bır tılde söilespese, qandai mäselenı şeşuge bolady?! Prezidentımız öz Joldauynda: "Ministrlıkter köp" degen sūraqtar boiynşa derbestık alyp, dara şeşım qabyldauǧa mümkındık alamyn degen edı. Sol prinsip qaşan engızıledı? Vise-ministr lazauymyna keletın adamdy Ükımetpen kelıstırudı toqtatu kerek! Vise-ministr bolsyn, departament direktory bolsyn, olardyŋ kandidaturasy qoǧamdyq ūiymdardyŋ kelısımımen bekıtıluı kerek! Sonda ǧana fermerler senım artady. Erbol Şyraqbaiūlyna öz basym kämıl senemın. Alaida ministrlıktegı mamandardyŋ ärtıstıgınen taiaqtyŋ ūşy soǧan da tiıp jatyr", - deidı Jiguli Dairabaev.Ekınşı mäsele batyldyq jaily.
"Serık Maqaşūly! Baiqaisyz ba? Ministrlıkterdıŋ barlyǧy qoǧamdyq rezonanstan qorqatyn ädet şyǧardy. Tit etse ürketın boldy. Sonyŋ saldarynan salamyzǧa naqty qajet degen köptegen zaŋ jobalary kerı qaitaryldy. Mysaly, qosalqy şaruaşylyq turaly zaŋ. Osyndaidyŋ kesırınen qabyldanbady. Blogerler men är türlı divan ekspertterınıŋ kesırınen subsidiia jyry bır jylǧa sozyldy. Senesız be? 1 jyl. Ministrlık qyzmetkerlerınde jūmysşy toptar ne aitsa, soǧan ǧana auatyn üderıs paida boldy. Būl ne sūmdyq? Sonda Atameken palatasynyŋ ärbır önerkäsıptık keşen komitetı qaida? Ministrlıktıŋ janynan qūrylǧan qoǧamdyq keŋes qaida? Joq, olarǧa senım joq pa? Senımnıŋ bolmaǧany ma, qalai? Subsisiia mäselesınde Erbol Şyraqbaiūly ūsynǧan reformalar auadai qajet! Ekonomikalyq tūrǧydan äbden pısıp, jetılgen, sanmen däleldengen ūsynystar. Bıraq, orynsyz şu köbeitıp kettı de, aqyr aiaǧy baiaǧy qalpyna qaita oraldy. Jinalystarda reformalardyŋ ekonomikalyq tūsy tıptı aitylmaityn jaǧdaiǧa jettık. Saǧattap ötetın basqosularda är ūsynystyŋ ekonomikalyq, qūqyqtyq teŋdıgın salystyrudyŋ ornyna bos uaqyt joǧaltyp, bır-bırımızge notasiia oqyp otyramyz. Aitpaǧym, ministrlıkterge derbestık pen qosa batyldyq kerek. Osyny qaperıŋızge alsaŋyz, qūrmettı Serık Maqaşūly!",- dedı Dairabaev.
"Adyrna" ūlttyq portaly
