Reseı úkimeti "ótirik aqparat" jáne bılik organdary men memleketke qurmet kórsetpeý týraly tórt zań jobasyna oń pikir bildirdi. "Interfaks" agenttiginiń Reseı melmektetik dýmasy memleket qurylymy jáne zańnama komıtetiniń tóraǵasy Pavel Krashenınnıkovke silteme jasap habarlaýynsha, eki zań jobasyna qatysty pikir 24 qańtarǵa qaraǵan túni ǵana túsken.
Zań jobalaryn byltyr jeltoqsanda federaııa keńesi konstıtýııalyq zańnama komıtetiniń jetekshisi Andreı Klıshas pen onyń birneshe áriptesteri usynǵan. Depýtattar "anyq aqpar sııaqty kórinetin rastalmaǵan qoǵamdyq mańyzy bar aqparatty" eger onyń saldary aýyr bolsa BAQ pen ınternette jarııalaýǵa tyıym salýdy usynady. Budan ózge, qujattarda qoǵamǵa, memleketke, memlekettik sımvoldar men bılik organdaryna "ábestik tanytyp, qurmet kórsetpeý" sıpatyndaǵy materıaldarǵa da tyıym salýdy usynady. Joba avtorlary tyıymdy buzǵandarǵa aıyppul salýdy nemese ákimshilik qamaýǵa alýdy usynady. Sonymen qatar, ınternettegi mundaı aqparattar buǵattalyp otyrmaq.
Buǵan deıin Reseı bas prokýratýrasy, kommýnıkaııa jáne aqparat mınıstrligi men Roskomnadzor mekemesiniń ókilderi zań jobalaryn synaǵan. Alaıda, keıin bas prokýratýra pikirin ózgertken.
24 qańtarda zań jobalary alǵashqy oqylymda qaralady. Keshe memlekettik dýma keńesi eger úkimet búgin tańerteńge deıin zań jobalaryna qatysty resmı pikirin joldamasa, onda qujatatrdy birinshi oqylymda qaraýdy keıinge qaldyratynyn eskertken.
"Azattyq" radıosy
