Jambyl oblysynda qaza tapqan sarbazdyŋ denesınen tabylǧan özge adamdardyŋ biomaterialdary [şäuet daqtary] turaly baiandaǧan qūqyq qorǧauşynyŋ ömırıne “aityp auyz jiǧanşa” qauıp töndı. Işkı ıster ministrlıgı oǧan «etikany būzdy» dep aiyp taǧyp, qūpiia tergeuge almaqşy, dep habarlaidy “Adyrna” ūlttyq portaly.
Bırneşe kün būryn merzımdı qyzmettegı äskeri qyzmetşını öz-özıne qol jūmsau turaly qylmystyq ıs boiynşa qūqyq qorǧauşy Pralievtıŋ baspasöz mäslihaty öttı. Däl sol jerde qūqyq qorǧauşy maman marqūmǧa üş ret sot-medisinalyq saraptama jürgızılgenın habarlady. Onyŋ bıreuı Tarazda, ekeuı Almatyda ötken. Qaitys bolǧan sarbazdyŋ auyz quysynda jäne kiımınde özge er adamdardyŋ genetikalyq biomaterialdary tabylǧany belgılı boldy.
Jalpaq jūrttyŋ selt etkızgen soraqy jaŋalyqty jariialaǧan qūqyq qorǧauşynyŋ basyna qara būlt üiırıldı. Būl jaily QR IIM ökılderı mälemdedı.
«Praliev qylmystyq ıstıŋ derekterın jariia etıp, şyndyqqa säikes kelmeitın öz tūjyrymdarymen tolyqtyrdy. Sonymen qatar, QIJK-nıŋ 201-babyna säikes sotqa deiıngı tergep-tekseru derekterı jariia etılmeidı», - delıngen QR IIM habarlamasynda.
Künı keşe qoǧam belsendısı, qazaqtyŋ aiauly qyzy, ūlt janaşyry Kämşat Tasbolat osy jaǧdaiǧa qatysty
- Endı qoǧamdy dür sılkındırgen jaǧdaidy jariia etken advokatqa qysym jasalyp jatyr eken. Būl jerde advokattyŋ sözı ras pa, joq pa, ony anyqtaudyŋ bır-aq joly bar: sol äskeri bölımde suisid tırkelgen kezde qyzmet etkenderdıŋ, äskeri boryş ötegenderdıŋ biomaterialdaryn alyp, zertteu jürgızu. Bıraq advokattyŋ özı “būǧan rūqsat berılmei otyrǧanyn” aityp jurnalisterge arqa süieuge mäjbür bolǧan joq pa? Äskeriler neden qorqyp otyr? Şyn Ädılettı Qazaqstan ornaityn bolsa, bır künde eldıŋ şaşyn aǧartyp, eŋsesın tüsırgen ıs boiynşa ädıl tergeu jürgızıluı kerek. Qylmystyŋ öteuı - jaza! Jazalanbasa, qylmys köbeiedı. Qylmysqa tözuge bolmaidy. Eks-deputattar būl ıske ün qossa deimız. Sot aşyq jäne jariialy ötuı tiıs. Azǧyndyqty tyiu kerek, - dedı avtor adam boiyndaǧy eŋ ızgı qasietter Ar men Ūiatty alǧa tartyp.
Degenmen qylmystyq qudalau organdary advokatty käsıbi etika normalaryn būzdy dep aiyptaidy jäne qyzmettık tergeu jürgızudı sūraǧan. Qazırde olardyŋ ötınışı QR Ädılet ministrlıgıne joldandy.
“Adyrna” ūlttyq portaly
