Respublica saiasi partiiasy barlyq 17 oblysta jäne respublikalyq maŋyzy bar 3 qalada filialdary men ökıldıkterın tırkeudıŋ barlyq qajettı räsımderın aiaqtady.
Būryn atap ötılgendei, Qazaqstandaǧy barlyq saiasi partiialar memlekettık tırkelgen künnen bastap 12 ai ışınde özınıŋ qūrylymdyq bölımşelerın (filialdar men ökıldıkterdı) tırkeuı tiıs.
Respublica partiiasynyŋ töraǧasy Aidarbek Hodjanazarov endıgı kezekte oblystyq ştabtar aşylatynyn aitty.
«Qazır bızge elımızdıŋ tükpır-tükpırınen otandastarmyz Respublica partiiasynyŋ qūramyna qosylǧysy keletını turaly jüzdegen habarlamalar joldap jatyr. Bız adamdardyŋ osyndai qyzyǧuşylyq tanytqanyna öte quanyştymyz! Kelesı kezekte oblystyq ştabtar aşylady. Ol mekemelerde tūrǧyndar keŋes alyp, özderın qyzyqtyratyn sūraqtaryn qoiyp, ūsynys-pıkırlerın aityp, ştab ökılderımen äŋgımelesıp, eŋ bastysy partiia qataryna qosyla alady. Bız äleumettık jelılerde barlyq ştabtardyŋ bailanys nömırlerı men mekenjailaryn jariialaityn bolamyz. Ştab jūmysynyŋ alǧaşqy künderınen bastap partiiamyzǧa müşe bolǧysy keletınderdıŋ barlyǧyn şaqyra alamyz dep senemız», - dedı ol äleumettık jelıdegı paraqşasynda.Eske salaiyq, Respublica partiiasy aldaǧy kezekten tys Qazaqstan Respublikasy Parlamentı Mäjılısınıŋ de, mäslihattardyŋ da deputattarynyŋ sailauyna qatysady. Qazırgı uaqytta partiianyŋ ştaby sailaualdy baǧdarlamasyn tanystyruǧa jäne sailaualdy nauqandy jüzege asyruǧa daiyndyq üstınde. Partiianyŋ basty maqsattarynyŋ bırı – bilıktıŋ aşyqtyǧyna qol jetkızu, onyŋ bäsekege qabılettılıgın qamtamasyz etu, azamattardyŋ saiasatqa yqpal etu tetıkterı men mümkındıkterın ūsynu.
