Tarazda studentterden para alǧan joǧary oqu ornynyŋ oqytuşysy ūstaldy, dep habarlaidy «Adyrna» tılşısı polisia.kz-ke sılteme jasap.
«Jambyl oblysy polisiia departamentınıŋ ūiymdasqan qylmysqa qarsy küres basqarmasy qyzmetkerlerımen jürgızılgen arnaiy jedel-ızdestıru şaralary barysynda qaladaǧy joǧary oqu orynynyŋ bırınen 46 jastaǧy oqytuşy qyzmettık kabinetınde studentten 200 myŋ teŋge kölemınde qarjy alu kezınde ūstaldy. Polisiia qyzmetkerlerı aǧa oqytuşynyŋ būǧan deiın 4-kurs studentterınen üş ailyq täjıribelık sabaqtardan jäne emtihannan ötkızıp beremın dep ärqaisysynan 50 myŋ teŋge kölemınde aqşa talap etkendıgın anyqtady. Ūstalǧan er adam kınäsın tolyq moiyndady. Oǧan qatysty qolhatpen bosatu turaly būltartpau şarasy qoldanyldy»,—delıngen habarlamada.Atalǧan derekke qatysty QR QK-nıŋ 190-baby 3-bölıgı 3-tarmaǧymen (Ekı nemese odan da köp adamǧa qatysty jasalǧan alaiaqtyq) sotqa deiıngı tergeu amaldary bastaldy. Bapqa säikes, osyndai qylmys jasaǧany üşın mülki tärkilenıp, üş jyldan jetı jylǧa deiıngı merzimge bas bostandyǧyn şekteuge ne sol merzimge bas bostandyǧynan aiyru, belgili bir lauazymdardy atqaru nemese belgili bir qyzmetpen ainalysu qūqyǧynan ömır boiyna aiyra otyryp, jymqyrylǧan mülıktıŋ on eselengennen jiyrma eselengenge deiıngı mölşerınde aiyppūl salu, ne üş jyldan jetı jylǧa deiıngı merzimge bas bostandyǧynan aiyru jazasy közdelgen.
<
