Hanzada Garri “Şymbūlaq” tau şaŋǧysy kurortynda bolǧan kezde barlyq qauıpsızdık şaralary men şekteulerden bas tartqan. Būl turaly Mädeniet jäne sport vise-ministrı Erjan Erkınbaev aityp berdı, dep habarlaidy “Adyrna” ūlttyq portaly Informburo.kz saityna sılteme jasap.
Būl oqiǧa hanzada Garridıŋ juyrda jariialanǧan The Spare One memuarynda aitylǧan. Informburo.kz tılşısı vise-ministrden kıtaptaǧy aqparattyŋ rastyǧyn sūrady.
«Ol öz kıtabynda özın jazyp, ol sättı taratylǧannan keiın, men rastai alamyn. İä, 2014 jyly menıŋ Norvegiiadaǧy hanzada Garridı tanityn jaqyn saiahatşy dosym hanzadany tau şaŋǧysy kurortyna äkeludı ūsyndy. Sosyn qysta hanzadany äkeldı. Ol özınıŋ qūrbysy Kressidamen bırge keldı. Olar bırneşe kün boldy jäne olarǧa bärı ūnady. Ömırınıŋ būl epizody Garridıŋ estelıkterıne engenıne quanyştymyz», - dedı vise-ministr.
Ol sondai-aq, hanzadamen kezdeskenın jäne hanzada özın qarapaiym ūstaǧap, tıptı ol qorǧalǧan adam jäne korol otbasynyŋ müşesı bolsa da, barlyq qauıpsızdık şaralarynan bas tartqanyn atap öttı.
«Ol Şymbūlaqta basqa adamdarmen aşyq jerde tamaqtandy, barlyǧynyŋ közınşe kiımın auystyryp, kürteşe, şaŋǧysyn şeşe alatyn. Ol müldem qalypty qonaq retınde özın ūstady, al onyŋ qarapaiym jürıs-tūrysynan qalyŋ jūrt tanymady», - dedı Erjan Erkınbaev.
