Jurnalist Duman Mūhametkärımge Mäjılıske kandidat boluǧa rūqsat berılmedı. «Adyrna» ūlttyq portaly Almaty oblysynyŋ aumaqtyq sailau komissiiasyna aqparattyq saual joldap, şeşım sebepterın tüsındırudı sūrady.
Būǧan deiın BAQ-ta belsendınıŋ ötınışı Konstitusiianyŋ 51-babynyŋ 4-tarmaǧyna säikes kelmeuıne bailanysty qanaǧattandyrylmaǧany jazylǧan edı. Duman Mūhametkärım būl aqparatty joqqa şyǧardy.
«El aumaǧynan ketpegenmın, şetelde tūrmadym»,—dedı ol.Aumaqtyq sailau komissiiasy portalymyzǧa bergen jauabynda jurnalistıŋ el ışınde 8 ai eş jerde tırkeude tūrmaǧanyn mälımdedı.
«Almaty oblysy polisiia departamentı köşı-qon qyzmetı basqarmasynyŋ D.Mūhammedkärımge qatysty jauabyna säikes Qazaqstan Respublikasynyŋ aumaǧynda soŋǧy on jyl tūruy tūraqty tırkeumen rastalmaidy. Naqtyraq aitatyn bolsaq, 2021 jyldyŋ 21 jeltoqsany men 2022 jylǧy 19 tamyz aralyǧynda D.Mūhammedkärım el aumaǧynda tırkelmegen. Osyǧan bailanysty okrugtık sailau komissiiasy kandidat D.Mūhammedkärım boiynşa soŋǧy on jylda Qazaqstan Respublikasynyŋ aumaǧynda tūraqty tūru bölıgınde Konstitusiia talaptaryna säikestıgı rastalmaityny turaly jalǧyz yqtimal şeşım qabyldaidy. Tırkeu joq bolǧan kezıŋdı azamattyŋ qaida bolǧanyn anyqtau da sailau komissiiasynyŋ qūzyretıne jatpaidy. Sonymen qatar, säikessızdıktı anyqtau negızınde okrugtık sailau komissiiasy tırkeuden bas tartu turaly bırden şeşım qabyldaǧan joq. Kandidatqa soŋǧy on jyl ışınde Qazaqstan aumaǧynda tūraqty tūruyn däleldeu mümkındıgı ūsynyldy»,—dep tüsındırdı № 12 okrugtık sailau komissiianyŋ töraiymy Ūltusyn Barhinova.Sondai-aq Sailau komissiiasy belsendı sot arqyly el aumaǧynda 10 jyl tūraqty tūrǧanyn däleldeitın bolsa, şeşımdı qaita qarauǧa daiyn ekenın atap öttı.
Ūqsas jaŋalyqtar
