Irı medisinalyq mekemelerdı jekeşelendırudıŋ tiımdılıgı qaita qaralmaq. Būl turaly bügın Ükımet otyrysynda Memleket basşysy Qasym-Jomart Toqaev mälımdedı, dep jazady "Adyrna" ūlttyq portaly.
«Ūlttyq ǧylymi medisina ortalyǧy jaqynda jekemenşıkke öttı. Onda büiregın auystyrǧan nauqastardy oŋaltu jūmysy toqtatylǧan. Älihan Ashanūly, ırı medisinalyq mekemelerdı jekeşelendırudıŋ tiımdılıgın qaita qaraityn kez keldı. Būdan bölek, medisina kadrlarynyŋ tapşylyǧy da qiyndyq tuǧyzyp otyr. Qalada 600-den astam maman jetıspeidı. Densaulyq saqtau ministrlıgı osy mäselelerdı şeşu qajet. Būl salaǧa bılıktı mamandardy tartyp, olardyŋ tūraqty jūmys ısteuın qamtamasyz etu kerek. Jeŋıs Mahmūdūly, osy mäselenı jeke baqylauǧa alyŋyz. «Elorda jastary» baǧdarlamasyna medisina qyzmetkerlerın qosu mümkındıgın qarastyru kerek»,- dedı Toqaev.Esterıŋızge sala keteiık, osyǧan deiın bızdıŋ Adyrna.kz portalynda däl osy «Ūlttyq ǧylymi medisinalyq ortalyqty» jekeşelendırıp alǧan qaltalylar jaily dauly mäsele köterılıp, "Tüienı tügımen jūtqan Baigenjinder" degen maqala jariialanǧan edı.
"Adyrna" ūlttyq portaly
