Aitysker aqyn Rinat Zaiytov özın QR Parlament deputatyna kandidattyqqa ūsyndy. Būl turaly ol Instagram paraqşasynda jazdy, dep habarlaidy “Adyrna” ūlttyq portaly.
Aqynnyŋ aituynşa, būl şeşımdı qabyldau oŋaiǧa soqpaǧan.
“Qūjat tapsyryldy. Qazaqstan Respublikasynyŋ Parlamentı mäjılısınıŋ deputatyn sailau boiynşa №3 bırmandattyq aumaqtyq sailau okrugınıŋ okrugtık sailau komissiiasyna bügınmajoritarlyqjüiemen özımdı-özım QazaqstanRespublikasy Parlament deputatyna kandidattyqqa ūsyndym.
Moiyndaimyn. Oŋai kelgen şeşım emes. Eŋ äuelgı sūraq qai aimaqtan baq synaitynym bolǧan. Aldymda ekı taŋdau boldy. 1) Almaty qalasy 2) Abai oblysy. Ärine bır qaraǧan adamǧa tuǧan jerım üş jūrtymnyŋ eŋ köp ökılderı tūratyn aimaq. Abai oblysy tiımdı bolatyn edı.
Bıraq, «Auyl itınıŋ auzy sasyq» ekenın, bır oblysty tolyq aralauǧa, är auyldan senımdı ökıl, är uchastokten baqylauşy t.b. eskersek onyŋ barlyq şyǧynyn öteitın mende mümkındık te, demeuşı de joq. Oǧan qosa aimaqtarda jergılıktı bilıktıŋ yqpaly öte ülken. Sondyqtan Almaty.
Almaty - azattyqtyŋ astanasy. Almaty-ruhty qauymnyŋ mekenı. Ol az deseŋız, osydan tört jyl būryn bilıktıŋ kısenınen jūlyp alǧan da osy Almatydaǧy aǧaiyn. Demeuşım joq demeimın. Tılektesterım bar. Qazaq bar! Jaratuşydan keiın senerım solar. Täuekel. Oŋai şegınbeitınımdı eskertudıŋ qajetı joq şyǧar. Sonda da...”,- dep jazdy ol.
