Qazaqstan Parlamentınıŋ qos palatasy qoǧamdyq oryndarda bettı jabatyn kiımderdı kiiuge tyiym saludy qarastyratyn zaŋ jobasyn qoldady. Būl qūjat Memleket basşysynyŋ qol qoiuyna joldandy, dep habarlaidy “Adyrna”.
Äŋgıme «Qūqyq būzuşylyqtardyŋ aldyn alu turaly» zaŋǧa engızıletın özgerıster jönınde. 19 mausymda būl qūjat Senatta qaralǧan edı, alaida ol qabyldanbai, keibır tüzetulermen Mäjılıske qaitarylǧan. Būl tüzetuler küştık qūrylym qyzmetkerlerıne tūrǧyn üi beru mäselelerıne qatysty boldy.
Qoǧamdyq oryndarda bettı jabatyn kiımderdı kiiuge tyiym salu normasyna senatorlar kelısım bıldırdı.
Bügın Mäjılıs deputattary zaŋ jobasyn qaita qarap, ūsynylǧan tüzetulermen kelıstı. Endı būl qūjatqa Prezident qol qoiuy tiıs.
Būl jaŋaşyldyq adamnyŋ bet-jüzın tanuǧa kedergı keltıretın kiımderdı paidalanu arqyly jasalatyn qūqyq būzuşylyqtardyŋ aldyn aluǧa baǧyttalǧan. Mūndai kiımdı zaŋ talaby boiynşa, medisinalyq maqsatta, azamattyq qorǧanys üşın, belgılı bır aua raiy jaǧdaiynda nemese sporttyq jäne mädeni-būqaralyq ıs-şaralar kezınde paidalanuǧa rūqsat etıledı.
Qūjatta naqty qandai kiımderge tyiym salynatyny körsetılmese de, būl tyiymǧa maska men balaklavamen qatar, bet tūtas jabylatyn dıni kiımder, atap aitqanda, niqab ta kıruı mümkın degen boljam bar. Qazaqstanda niqabqp tyiym salu mäselesı bırneşe jyldan berı talqylanyp keledı.
2024 jylǧy nauryzda Qasym-Jomart Toqaev niqabty radikaldy közqarastaǧy neofitter qazaqstandyq äielderge taŋyp jürgen köne kiım ülgısı dep atady. Memleket basşysynyŋ pıkırınşe, būl – qazaqtyŋ dästürlı qūndylyqtaryna jasalǧan aşyq qarsylyq.
Būǧan deiın de, 2023 jyldyŋ küzıne qarai, bilık dıni kiımdı qoǧamdyq oryndarda kiiuge tyiym salu mäselesın qarastyrudy josparlaǧan bolatyn, alaida ol kezde būl jüzege aspaǧan edı.
