Kaspi.kz Memlekettik kirister komıtetimen birlesip kásipkerler úshin taǵy bir onlaın servısti iske qosty. Endi jeńildetilgen deklaraııa negizinde jumys isteıtin jeke kásipkerler Kaspi Pay qosymshasyndaǵy «Salyq» bóliminde 910-nysan boıynsha salyq esebin tapsyra alady.
Kaspi.kz-tiń basshysy ári negizin qalaýshylardyń biri Mıhaıl Lomtadze:
«Kaspi Pay – qazaqstandyq kásipkerler úshin Kaspi.kz-tiń eń tanymal qosymshasy. Basty maqsatymyz – kásipkerlerdiń ómirin jeńildetý ári jaqsartý. Bizdiń jańa «Salyq esebi» servısiniń kómegimen jeke kásipkerler endi salyq esebin onlaın, jyldam ári ońaı tapsyra alady. Komandalarymyz birlesip ázirlegen taǵy bir tabysty servıs úshin Memlekettik kirister komıtetine, sondaı-aq UAT AQ pen ıfrlandyrý mınıstrligine raqmet aıtamyz!»
Azamat Panbaev, QR QM Memlekettik kirister komıteti tóraǵasynyń orynbasary:
«Memlekettik kirister komıteti ekinshi deńgeıdegi banktermen yntymaqtastyq aıasynda Kaspi Pay platformasynda shaǵyn bıznes sýbektileri úshin 910-nysandy salyq eseptiligin qabyldaý servısin tegin iske qosty. Bul servıs salyqty esepteýge, eseptilikti jasaýǵa jáne usynýǵa jumsalatyn ýaqytty únemdeı otyryp, salyq mindettemelerin jyldam, qoljetimdi, ýaqtyly oryndaýǵa múmkindik beredi. Bul baǵytta yntymaqtastyq qolaıly jaǵdaı jasap, salyq tóleýshiler men memlekettiń arasyndaǵy ózara is-qımyldy jaqsarta otyryp, jalǵasyn tabady»
Jańa servıstiń kómegimen býhgalter nemese kásipkerdiń ózi esepti qosymshanyń ózinde jasaqtaı alady jáne rastaǵan soń esep MKK-ge avtomatty túrde jiberiledi.
Jaqyn aradaǵy esepti - 15 aqpanǵa deıin 2022 jyldyń ekinshi jartyjyldyǵy úshin tapsyrý kerek.
Kelesi esepti – 2023 jyldyń birinshi jartyjyldyǵy úshin – 15 tamyzǵa deıin tapsyrý kerek.
Servıs týraly tolyǵyraq Kaspi Gıd-ten bilińiz.
