Almatydaǧy saudagerler metropolitendı qala şekarasynan ūzartudy sūraidy

«AMANAT» belsendılerı partiianyŋ sailaualdy baǧdarlamasy üşın megapolis tūrǧyndarynan ūsynys-tılekterdı jinau jūmystaryn jalǧastyruda. Sonymen, jurnalist, partiia müşesı Maqsat Tolyqbai men Almaty amanattyqtary qalanyŋ tömengı bölıgınde ornalasqan «Türksıb järmeŋkesı» bazaryna baryp, şaǧyn biznes ökılderınıŋ ūsynysyn tyŋdady. Olar naryqtaǧy qymbatşylyqqa narazy ekenın aitty.

«Qalanyŋ bärı kölık keptelısı, al janarmai qymbat. Saldarynan azyq-tülık te, basqa da tūtynu tauarlarynyŋ qūny şaryqtap tūr. Bız halyqqa auyr timesın dep baǧany qymbattapai ūstap otyrmyz. Bıraq, baspana jaǧy qiyn bolyp tūr. Eger üi aluǧa bastapqy jarnany tömendetse myna bız sekıldıler üilı bolyp qalar edık», - deidı «Türksıb järmeŋkesı» bazarynyŋ saudagerlerı.

Qala tūrǧyndary megapolistıŋ infraqūrylymyn damytudyŋ, atap aitqanda, metro jelısın qala şekarasynan tys, oblystyŋ jaqyn ornalasqan qalalaryna deiın ūzartudyŋ, auany jaqsartudyŋ jäne joldardy jöndeudıŋ problemalyq mäselelerın köterdı. «Saudagerlerdıŋ köbı oblysta tūrady, kün saiyn keptelıspen jolǧa 2-3 saǧatyn jūmsaidy. Eger metro bızge – oblysqa deiın ūzartylsa, qalaǧa qatynau äldeqaida jyldam ärı oŋai bolar edı», - deidı bazar satuşylary. Almatylyqtar üşın jataqhana mäselesı de ärqaşan özektı. Osylaişa, partiialyqtar qaladaǧy jataqhanalardyŋ bırıne baryp, studentterdıŋ mäselelerın bılıp qaitty.

«Jataqhanamyz 1937 jyly salynǧan. Ǧimarattyŋ tozyǧy jetken, kürdelı jöndeu qajet. Sonymen qatar, studentterge arnalǧan oryndar öte az, oqu jyly bastalmai tūryp osy mäselenı şeşudı sūraimyz. Keŋse tauarlary da qazır qymbat, bızdıŋ bır stipendiiamyzǧa osyndai ülken qalada tūru qiyn, aqyly türde oqyp jatqandardy da eskergen jön. Eger studenttık bilettı nemese «Oŋai» kartochkasyn ūsynǧan kezde keŋse tauarlaryna jeŋıldık bolsa, jaqsy bolar edı», - dep ūsyndy studentter.

Bügıngı kezdesudıŋ qorytyndysy boiynşa barlyq tılekter men ūsynystar aldaǧy uaqytta partiialyqtardyŋ jūmysyna qabyldanady.

"Adyrna" ūlttyq portaly