Tuǧan jer- ärkımnıŋ kındık qany tamǧan qasiettı meken. Naqty osy jer ony elımen, ötkenımen jäne bolaşaqpen bailanystyrady. Är adam üşın özınıŋ tuǧan jerınıŋ künı de, tünı de, tau-tasy da, toqtamai aqqan özenı men jaiqalǧan gülderı, erkelei esken jelı , sairaǧan qūstary ystyq ärı qymbat ekenı sözsız.
Menıŋ Otanym-egemendı Qazaqstan. Men-osynau toǧyz ärıpten qūralǧan alapat, baitaq, täuelsız eldıŋ perzentımın. Men-qanymmen, janymmen, arymmen, barymmen qazaqpyn. Men asqar taulary kökpen talasqan, jasyl jelegı jaiqalǧan, tabiǧty äsem taŋǧajaiyp ölkede tuylǧanymdy erekşe bır sezımmen, şeksız yqylaspen maqtan tūtamyn. Onyŋ sebebı nede? Elımız-beibıt, halqymyz-baqytty. Eŋ bastysy, bız- täuelsız elmız. Qasyq qandary qalǧanşa jan berıspei küresken babalarymyzdyŋ bızge alyp bergen ūlan-baitaq,täuelsız jerın men nege süimeimın? Täuelsızdıgımızdı toilap kele jatqanymyzǧa 26 jyldyŋ jüzı bolypty. Elbasymyz N.Ä.Nazarbaev täuelsızdık jaiynda: « Täuelsızdıktı alǧannan görı, ony saqtap qalu äldeqaida qiynyraq»-dedı. Täuelsızdıktıŋ oŋai jolmen bızge kelmegendıgı haq,alaida ony berık ūstau-ülken boryş. 100-den asa özge ūlt ökılderın qanatynyŋ astyna alyp, bırlıgı men yntymaǧy jarasqan halqyna pana bolǧan, ärqaşan öz qadırın,söz qadırın tüsınıp dana bolǧan elımdı men jan-tänımmen jaqsy köremın.
Tuǧan jer degende, eŋ aldymen, jüregım «Qazaqstan» dep lüpıldeidı, sodan keiın elımızdıŋ arailaǧan,asqaqtaǧan astanasy Astana köz aldymyzǧa keledı. Qazaq halqynyŋ biık şyŋy, Alaş jūrtşylyǧynyŋ asqaq aibary-aru Astanaǧa 20 jyl! Elbasymyz N.Ä. Nazarbaev özınıŋ kezektı joldauynda : « 2018 jyl- elordamyz Astananyŋ 20 jyldyǧyn atap ötetın mereitoily jyl. Bas qalamyzdyŋ qalyptasuy men Euraziianyŋ maŋyzdy damu ortalyqtarynyŋ qataryna qosyluy-barşamyzdyŋ ortaq maqtanyşymyz»- dep osy jyldyŋ eleulı quanyşyn atap ötken bolatyn.
20 jyl… Älem tarihy sahnasyndaǧy 20 jyl! Qazaqstan halqy üşın qas-qaǧym sät. Alaida, osy 20 jyl ışındegı bolǧan oqiǧalardyŋ barlyǧy bız üşın öte qymbat.Astana ūşqyr uaqyttyŋ jyldamdyǧyna köz ılespes şapşaŋdyqpen örkendedı. Qazaq halqynyŋ eren eŋbegınıŋ arqasynda Astanamyz älem astanalarymen talai talasqa tüsıp, körkımen, äsemdıgımen älem halyqtarynyŋ nazaryn baurap aldy.
Menıŋ tuǧan ölkem- Qyzylorda. Syr elı, jyr elınıŋ Otany Qyzylordada tuyp-öskenım üşın şyn mänınde baqyttymyn. Syr öŋırı -toǧyz joldyŋ torabyn tüiıstırgen, jaugerşılıkte halqyna qorǧan bolǧan qasiettı,kielı jer. Ekologiialyq qauıptıŋ qūrsauynda tūrsa da, sūlulanyp, nūrlanyp keledı. Syr sūluy Qyzylordanyŋ şejıresı tolassyz jalǧasa bermek.
Almaty. Keibırı üşın Oŋtüstık Qazaqstannyŋ astanasy bolar, al men üşın Almaty- bükıl armandarym men maqsattarymdy bır arnaǧa toǧystyrǧan erekşe meken. Almaty menıŋ bolaşaǧymnyŋ jarqyldaǧan altyn säulesı ıspettes. Jarqyn bolaşaǧymnyŋ barlyǧy osy Almaty şaharynyŋ töŋıregınde kömkerılgendei.Talai taǧdyrdy bır ölkede ūştastyrǧan Almaty menıŋ bolaşaǧyma ainalǧanyn qalaimyn.Aporttyŋ mekenıne ainalǧan Almatynyŋ menıŋ de mekenıme ainalatynyna senımdımın.
Täuelsız memleket bolu-keşegı qazaqtyŋ armany..Elımızdıŋ kemel bolaşaǧyn jasap bergen Elbasymyz N.Ä.Nazarbaevtyŋ beibıt maqsat pen dostyq qarym-qatynasty därıpteitın ızgılıkke toly saiasatynyŋ arqasynda ūstaǧannyŋ qolynda, tıstegennıŋ auzynda ketpeitındıgımızge köz jetkızgendei küi keşemın.
Menıŋ tuǧan elım, menıŋ Qazaqstanym älem tarihy sahnasynda mäŋgılık el bolyp qalatynyna kämıl senemın.
Şalqarova Aidana Erbolqyzy
Qyzylorda qalasyndaǧy №145 orta mekteptıŋ 11-synyp oquşysy
