Qazaqstan qūtqaruşylar üiındılerdıŋ astynan üş tırı adamdy şyǧardy. Būl turaly TJM baspasöz qyzmetı jazdy, dep habarlaidy «Adyrna» tılşısı.
Vedomstvo ekınşı eşelon Türkiiaǧa kelgen sätten bastap täulık boiy qūtqaru jūmystaryn jürgızıp jatqanyn atap öttı. Olarǧa ızdeu orny Gaziantep qalasynan 69 şaqyrym jerde ornalasqan Nurdagy qalasyndaǧy tolyǧymen qiraǧan ǧimarat bekıtılgen.
Būl nysanda qazaqstandyq qūtqaruşylar adamdardyŋ ornalasqan jerı men jai-küiın anyqtau, üiındıler astynda zardap şekkendermen audio bailanys ornatu, qajettı kömektıŋ kölemı men sipatyn anyqtau boiynşa jūmystaryn jürgızdı.
«Mamandar ülken tereŋdıktegı üiındılerdıŋ astynan zardap şekkenderdı evakuasiialau üşın jol aşu jūmystaryn oryndap, jedel jäne sauatty ıs - qimyldyŋ, sondai - aq zardap şekkenderdı bloktan şyǧaru boiynşa uaqtyly qabyldanǧan şaralardyŋ nätijesınde bügın tünde kölemı 18 myŋ tekşe metrden astam üiındınıŋ astynan üş tırı adamdy - er adam men ekı äieldı şyǧaruǧa mümkındık tudy. Adamdar dereu medisinalyq qyzmetterıne jetkızıldı»,—dedı Tötenşe jaǧdailar ministrlıgı.
<
