Respublikalyq ǧylymi-praktikalyq bılım mazmūnyn saraptau ortalyǧy habarlaǧandai, endı poligrafiialyq aqau, sondai-aq pändık saraptama komissiiasy bekıtken nūsqadan auytqu nätijesınde ketken qateler men basqa da kemşılıkter anyqtalǧan jaǧdaida, oqulyqtar men oqu ädıstemelık keşenderdı baspa öz esebınen auystyruǧa mındettı. Būl turaly vedomstvonyŋ baspasöz qyzmetı jazdy, dep habarlaidy «Adyrna» tılşısı.
«Bız mūndai qūqyqtyq norma arqyly barlyq taraptardyŋ özara jauapkerşılıgın küşeitu mekteptegı oqu ädebietınıŋ sapasyn arttyruǧa oŋ äser etedı dep sanaimyz», – deidı ortalyq basşysy Eldos Nūrlanov.Soŋǧy üş jylda QR Oqu-aǧartu ministrlıgı memlekettık saraptama räsımderınıŋ obektivtılıgın arttyruǧa, sarapşylarǧa, avtorlarǧa jäne oqulyqtarǧa qoiylatyn talaptardy naqtylauǧa baǧyttalǧan bırqatar zaŋnamalyq şaralar qabyldady. 2020 jyly saraptama jürgızu prosesı tolyǧymen qūpiialyq rejimge auystyryldy. Ministrlık saitynda pdf jäne epub formatyndaǧy qaǧaz oqulyqtardyŋ elektrondyq nūsqalary aşyq ornalastyrylyp, avtorlar körsetılmeitın boldy. Būl saraptamanyŋ ädıldıgı men aşyqtyǧyn qamtamasyz etetının şara. Sondai-aq baspalarǧa ışkı saraptama jürgızu, avtorlardyŋ oqu ädebietterın äzırleudıŋ ädısnamasy, olardy baǧalau kriteriilerı boiynşa oqytu kursynan ötkızu jauapkerşılıgı jükteldı.
