Türkiiada qaza tapqan Janar Jaqsybekovanyŋ mäiıtı Taldyqorǧanǧa jetkızıldı. Būl turaly QR Syrtqy ıster ministrlıgı habarlady, dep jazady “Adyrna” ūlttyq portaly
“10 aqpanda Türkiianyŋ oŋtüstık-şyǧysyndaǧy Kahramanmaraş qalasynda qūtqaru-ızdestıru jūmystary barysynda äieldıŋ denesı tabyldy. Almatydan kelgen tuystary ony QR azamaty Janar Jaqsybekova dep tanydy. Qazaqstandyq diplomattar qaza tapqan otandasymyzdyŋ denesın Kahramanmaraştan Antaliiaǧa jäne odan ärı Almatyǧa jetkızuge, sondai-aq qajettı qūjattardy resımdeuge barynşa järdem körsettı. Bügın mäiıt Taldyqorǧan qalasyna jetkızıldı”,- delıngen resmi habarlamada.
Tasymaldau boiynşa barlyq şyǧyndardy memleket öz moinyna aldy. Sonymen qatar, Pegasus türık aviakompaniiasymen qaza tapqan QR azamatynyŋ bırge kelgen tuystaryna 90 paiyzdyq jeŋıldık beru turaly uaǧdalastyqqa qol jetkızıldı.
“Adyrna” ūlttyq portaly
