Azat Peruaşev Nazarbaev otstavkaǧa ketkende ne sebeptı közıne jas alǧanyn tüsındırdı, dep jazady “Adyrna” ūlttyq portaly Qazaq Uni portalyna sılteme jasap.
“Er adamǧa tän janarymnan jarty jas domalaǧany - tūŋǧyş Prezidentke, ne onyŋ qyzmetınen ketuıne bailanysty emes. Maǧan «90-şy jyldardyŋ sız üşın maŋyzy qandai?» degen jeke ömırıme qatysty sūraq qoiyldy. 90-şy jyldary bızdıŋ buynǧa oŋai bolǧan joq. Jaqyndarymyzdy joǧaltqan sätter boldy. Emosiiaǧa erık bergenım sodan. Ekınşıden, aqyldy adamdar ideialardy talqylaidy. Qalǧandary özgelerdı söz qylady. Men ideialardy talqylap, olardy jüzege asyrudy jön köremın. Eger bıreu menı söz etkısı kelse - būl olardyŋ öz erkı. Bıraq, «Aqjoldyŋ» parlamenttegı 10 jyly ışınde bar kemşılıgım osy bır emosiiam ǧana bolsa, onda qalǧan ısterımız dūrys ekenı sözsız. Al, bız azamatpyz!”,- dep jauap berdı Peruaşev jurnalisterge bergen sūhbatynda.
“Adyrna” ūlttyq portaly
