Mıhal Bılek: Eń aldymen shabýyl shebin retke keltiremin

1726
Adyrna.kz Telegram

— Men Qazaqstan quramasynyń bas bapkeri bolyp taǵaıyndalǵanyma qýanyshtymyn. Jigitterdiń qarqynyn bilý úshin Túrkııada oqý-jattyǵý jıyndaryn ótkizemiz. Erteń sol jaqqa ushamyz. Fýtbolshylarmen betpe-bet sóılesip, maqsatymyzdy aıqyndap alýymyz qajet. Bizde ázirge jalpylama shaqyrylǵan aıaqdopshylar sany óte kóp.

— Qazaqstan quramasynyń bapkeri bolý sheshimine qansha oılandyńyz?

— 3 apta boıy oılanyp, Qazaqstan quramasyn baptaýǵa kelistim. Bul men úshin ońaı sheshim bolmady. Sebebi, men ol ýaqytta chehııalyq klýbpen jumys istep jattym. Meniń komandam «Zlın» maǵan ruqsat berip, Qazaqstan quramasyn baptaýǵa ruqsatyn berdi. Men negizinen qurama baptaǵandy jaqsy kóremin.

— Qazir jıynǵa 33 oıynshy shaqyrypsyzdar…

— Men áli fýtbolshylar týraly áli kóp aqparat bile bermeımin. Qazir quramaǵa shaqyrtylyp otyrǵan oıynshylardy bizdiń kómekshiler, qazaqstandaǵy bapkerler shaqyrtyp otyr. Men olardy iriktep alamyn.

— Qazaq fýtboly jaıly osy kezge deıin qandaı aqparattar bildińiz? Oıyndaryn kórdińiz be?

— Osydan bir jyl buryn «Slavııa» komandasynyń oıynyn tamashaladym. Ol Qazaqstannyń chempıonymen kúsh synasty. Sosyn Mıroslav Beranekpen sóılesken edim. Irikteýdiń aldynda birshama ýaqyt bar, sondyqtan da aıaqdopshylardyń aıaqalysyn baıqap alamyz dep oılaımyn.

— Birneshe oıynshy quramda joq ekenin baıqadyq…

— Myna oıynshylardy jasaqtaǵan kezde Postnıkov jaraqat alyp qalǵanyn eskerip, ony jıynǵa shaqyrmadyq. Al Valerıı Karpın bizge ótinish jasap, Bahtıor Zaınýtdınovty ázirge quramaǵa shaqyrmaýyn surady. Sebebi, ol «Rostov» komandasyna sińisip úlgermepti.

— Stanımır Stoılov Qazaqstan quramasynyń negizgi problemasy shabýyl shebi degen edi. Siz oıyndardy kórseńiz, qandaı pikirdesiz?

— Iá, baıqaýymsha shabýyl shebinde másele bar. Degenmen, ony kombınaııalyq oıyn arqyly retke keltirýge bolady. Eń aldymen osy máseleni qolǵa alamyn.

— Aleksandr Merkeldi de shaqyrypsyz. Ol quramaǵa oınaıtyn boldy ma?

— Iá, biz onyń buryn quramaǵa shaqyrtylǵanyn estidik. Ol qazir Gollandııada oınap júr eken. Biz onymen sóılesip, quramaǵa qaıta aldyrtqymyz keledi.

"Aladop" saıty

Pikirler