Mihal Bilek: Eŋ aldymen şabuyl şebın retke keltıremın

— Men Qazaqstan qūramasynyŋ bas bapkerı bolyp taǧaiyndalǧanyma quanyştymyn. Jıgıtterdıŋ qarqynyn bılu üşın Türkiiada oqu-jattyǧu jiyndaryn ötkızemız. Erteŋ sol jaqqa ūşamyz. Futbolşylarmen betpe-bet söilesıp, maqsatymyzdy aiqyndap aluymyz qajet. Bızde äzırge jalpylama şaqyrylǧan aiaqdopşylar sany öte köp. — Qazaqstan qūramasynyŋ bapkerı bolu şeşımıne qanşa oilandyŋyz? — 3 apta boiy oilanyp, Qazaqstan qūramasyn baptauǧa kelıstım. Būl men üşın oŋai şeşım bolmady. Sebebı, men ol uaqytta chehiialyq klubpen jūmys ıstep jattym. Menıŋ komandam «Zlin» maǧan rūqsat berıp, Qazaqstan qūramasyn baptauǧa rūqsatyn berdı. Men negızınen qūrama baptaǧandy jaqsy köremın. — Qazır jiynǧa 33 oiynşy şaqyrypsyzdar… — Men älı futbolşylar turaly älı köp aqparat bıle bermeimın. Qazır qūramaǧa şaqyrtylyp otyrǧan oiynşylardy bızdıŋ kömekşıler, qazaqstandaǧy bapkerler şaqyrtyp otyr. Men olardy ırıktep alamyn. — Qazaq futboly jaily osy kezge deiın qandai aqparattar bıldıŋız? Oiyndaryn kördıŋız be? — Osydan bır jyl būryn «Slaviia» komandasynyŋ oiynyn tamaşaladym. Ol Qazaqstannyŋ chempionymen küş synasty. Sosyn Miroslav Beranekpen söilesken edım. Irıkteudıŋ aldynda bırşama uaqyt bar, sondyqtan da aiaqdopşylardyŋ aiaqalysyn baiqap alamyz dep oilaimyn. — Bırneşe oiynşy qūramda joq ekenın baiqadyq… — Myna oiynşylardy jasaqtaǧan kezde Postnikov jaraqat alyp qalǧanyn eskerıp, ony jiynǧa şaqyrmadyq. Al Valerii Karpin bızge ötınış jasap, Bahtior Zainutdinovty äzırge qūramaǧa şaqyrmauyn sūrady. Sebebı, ol «Rostov» komandasyna sıŋısıp ülgermeptı. — Stanimir Stoilov Qazaqstan qūramasynyŋ negızgı problemasy şabuyl şebı degen edı. Sız oiyndardy körseŋız, qandai pıkırdesız? — İä, baiqauymşa şabuyl şebınde mäsele bar. Degenmen, ony kombinasiialyq oiyn arqyly retke keltıruge bolady. Eŋ aldymen osy mäselenı qolǧa alamyn. — Aleksandr Merkeldı de şaqyrypsyz. Ol qūramaǧa oinaityn boldy ma? — İä, bız onyŋ būryn qūramaǧa şaqyrtylǧanyn estıdık. Ol qazır Gollandiiada oinap jür eken. Bız onymen söilesıp, qūramaǧa qaita aldyrtqymyz keledı.

"Aladop" saity