Búgin QR Aqparat jáne qoǵamdyq damý mınıstri Darhan Qydyráli QR Joǵary bilim jáne ǵylym mınıstri Saıasat Nurbekpen birge MediaLab jýrnalıstıka ortalyǵynyń ashylýyna qatysty.
Aqparat jáne qoǵamdyq damý mınıstrligine qarasty Qazaqstandyq qoǵamdyq damý ınstıtýtynda ornalasqan ortalyqta medıa mamandardyń biliktiligin arttyrýǵa qajetti jaǵdaı jasalǵan.
"Esterińizde bolsa, Astana MediaWeek forýmda biz medıa ındýstrııany zertteýmen, jýrnalıstıka jáne kommýnıkaııa salasyndaǵy mamandardyń biliktiligin arttyrýmen júıeli túrde aınalysatyn ortalyq ashamyz degen edik. Endi, mine sonyń oraıy búgin kelip otyr.
"MediaLab" ortalyǵy medıa tutyný patternderin ǵylymı turǵyda zertteýdi, jýrnalısterdiń, ásirese aımaqtaǵy jýrnalısterdiń biliktiligin arttyrýdy, salalyq jýrnalıstıkany jetildirýdi, baspasóz hatshylarynyń kásibı daǵdylaryn damytýdy kózdeıdi",— dep atap ótti Darhan Qydyráli.
Ortalyqta jýrnalıstıka mamandyǵy boıynsha oqyp jatqan stýdentterge de ádistemelik qoldaý jasalady.
"Biz álemdegi jýrnalıstıka mektepteriniń ozyq degen oqý baǵdarlamalaryn “Ashyq sıllabýs” jobasy aıasynda Qazaqstanǵa ákelip, úzdik kitaptar men oqýlyqtardy qazaq tiline aýdarýdy josparlap otyrmyz", - dedi D. Qydyráli.
Qorytyndyda mınıstrler bilim jáne ǵylym salasynda birlesken jobalardy júzege asyrýǵa ýaǵdalasty.
