"Jantürşıgerlık jaǧdai, bır otbasynyŋ basyna tüsken auyr qaiǧy. Aidyŋ-künnıŋ amanynda bes bırdei balasynan aiyrylyp qalǧan ata-anasyna Qūdai küş-quat bersın deimız. Marqūm bolǧan balalardyŋ ata-anasyna, tuǧan-tuystaryna qaiǧyryp köŋıl aitamyz. Alla mūndai jaǧdaidy endı eşkımnıŋ basyna bermesın dep tıleiık", - dedı Saǧyntaev ükımet otyrysyn bastamas būryn.
Astana äkımı Baqyt Sūltanovtyŋ aituynşa, bügıngı künı äkımdık tarapynan barlyq kömek körsetılıp jatyr.
"Atap aitsaq, jerleu räsımı, as beru ūiymdastyrylyp, materialdyq jäne psihologiialyq tūrǧyda kömek körsetılude. Tiıstı komissiia qūryldy. Qazırgı künı ata-analarmen de jūmys ıstep jatyrmyz", -dedı Sūltanov.
Ol mūndai qaiǧyly jaǧdailar qaitalanbas üşın jüielı türde jūmystar jasalyp jatqanyn atap öttı.
"Künnıŋ kürt suytuyna orai jer üilerde peş jaqqannan keiın ört şyǧu qaterlerı artuda. Sondyqtan mūnyŋ aldyn alu üşın audan äkımderı, tötenşe jaǧdailar departamentı, polisiia departamentı basşylaryna bırlesıp, tüngı reid jūmystaryn jürgızu tapsyryldy. Ot jaǧyp otyrǧan jer üilerdıŋ tūrǧyndaryna ört qauıpsızdıgı erejelerı tüsındırıldı", - dep esep berdı äkım.
Al ışkı ıster ministrı Qalmūhanbet Qasymov örttıŋ şyǧu sebebın atady."Peş jaqqanda qauıpsızdık erejelerı saqtalmaǧan, ört sodan şyǧyp otyr. Balalar tüngı uaqytta qarausyz qalǧan... Qazırgı uaqytta mūndai jaǧdailar az emes. Jylytu mausymy ötken jyldyŋ 15 qazanynda bastaldy, sodan berı ört oqiǧalary bırşama azaidy. Eŋ bastysy qaza bolǧandardyŋ sany azaidy. Alaida uly gazdan qaza bolǧandar sany 12 prosentke artyp otyr. Jyl saiyn bızdıŋ örtke qarsy qyzmet profilaktikalyq şaralar jürgızedı", - dedı ol.
Ministrdıŋ aituynşa, soŋǧy bırneşe aida TJ qyzmetkerlerı 1 million 700 myŋ jeke üidı aralap, 4 million adammen kezdesıp, ört qauıpsızdıgı erejelerın tüsındırgen. Qaiǧyly oqiǧa Astanada Köktal-1 tūrǧyn üi alabyndaǧy jer üilerdıŋ bırınde 4 aqpanǧa qaraǧan tünı boldy. Ört söndıruşıler oqiǧa ornyna habar tüskennen keiın jetı minuttan soŋ jettı, bıraq üi tolyǧymen örtenıp kettı. Janyp ketken üiden 2006, 2008, 2013, 2015 jäne 2018 jyly tuǧan balalardyŋ denesı tabyldy. Köz jūmǧan balalardyŋ barlyǧy – qyzdar, eŋ kışısınıŋ tuǧanyna üş ai ǧana bolǧan. Ört şyqqan kezde balalardyŋ ata-anasy ekeuı de jūmysta bolǧan – äiel plastikalyq karta şyǧaratyn zauytqa tüngı auysymǧa barady, al otaǧasyn tehnikalyq qyzmet körsetu stansiiasyna (STO) jūmysqa şaqyryp alǧan.
