Almaty oblysynda respublikalyq pänder olimpiadasynyŋ üşınşı oblystyq kezeŋınıŋ jabylu saltanatyny öttı. Bılımdıler bäsekesınde 582 bala baq synaǧan edı, olardyŋ 258-ı jüldegerler qatarynan körındı.
Oquda oza şapqan jas örenderdı öŋırdıŋ bas ūstazy Saltanat Bespaeva qūttyqtap, arnaiy diplomdardy tabys ettı.
«Bır apta boiy ötken bılım saiysynda daryndy oquşylardy jeŋısımen qūttyqtaimyn. Olimpiadanyŋ audandyq jäne qalalyq kezeŋınde 6 myŋǧa juyq oquşy qatyssa, oblystyq kezeŋde 582 oquşy synaq tapsyrdy. Bılım saiysynyŋ barlyq kezeŋınde aşyqtyq pen akademiialyq adaldyq talaptary saqtaldy. Olimpaidanyŋ qos kezeŋıde oŋai bolǧan joq. Būl synaqqa daiyndyq tek mektep baǧdarlamasymen şektelıp qalmai, tereŋ zerdeleudı qajet ekenın ūǧyndyrdy. Sızder elımızdıŋ naǧyz «Altyn qorysyzdar». El erteŋı özderıŋızdıŋ qoldaryŋyzda»,-dedı qūttyqtau sözınde Almaty oblysy bılım basqarmasynyŋ basşysy Saltanat Dauyspekqyzy.
Artynşa ol bılım teŋızınde erkın jüzgen jas daryndarǧa laiyqty marapatyn tapsyrdy.
Oblystyŋ «sen tūr, men ataiyn» degen jastary jinalǧan bılımdıler dodasynda oza şyqqandardyŋ bırı Esık «Bılım-innovasiia» liseiınıŋ 10 synyp oquşysy Müslım Halel.
«Olimpiadaǧa 4 jyl qatarynan qatysyp kele jatyrmen. Men matematika boiynşa test tapsyrdym. Tapsyrmalardyŋ deŋgeiı oŋai dep aituǧa kelmeidı degenmende, būl synda sürınbegenıme quanyştymyn. Menı daiyndap, qoldau körsetken jetekşım Adikei Älıbekūlyna alǧysymdy bıldıremın»,-deidı olimpiadanyŋ 1 oryn jüldegerı Müslım Halel.
Esterıŋızge salamyz, öŋırdıŋ eŋ ziiatker oquşylary 13-18 aqpan aralyǧynda jaratylystanu-matematikalyq jäne qoǧamdyq-gumanitarlyq baǧyttaǧy jalpy sany 15 pännen synaq tapsyrdy. Olimpiada «El Umiti sifrlyq onlain platformasy» aqparattyq jüiesınde «1 kompiuter – 1 oquşy – 1 kamera» qaǧidaty boiynşa ötkızıldı.
Temırdei tärtıpte ūiymdastyrylǧan būl saiysta sürınbegender laiyqty tūǧyrlarynan körındı.
«Olimpiadanyŋ talabyna säikes, qatysqan oquşylardyŋ 45 paiyzy jeŋımpaz atandy. Onyŋ ışınde jeŋımpaz oquşylardyŋ 20 paiyzy 1 oryn, ekınşı oryndy qatysuşylardyŋ 30 paiyzy ielense, qalǧan 50 paiyzy 3 orynnan körındı»,-dedı «Jas daryn» ortalyǧynyŋ direktory Diana Tetenqyzy.
Aitk keteiık, aldaǧy nauryz-säuır ailarynda Şymkent qalasynda Resupblikalyq olimpiada ötedı. Oǧan Almaty oblysynan jaratylystanu-matematikalyq baǧytynda 38 oquşy, qoǧamdyq-gumanitarlyq pänder boiynşa 36 bala synaq tapsyratyn bolady.
