Almaty oblysynda ornalasqan Ūzynaǧaş auylynda 50 şaqty üidıŋ aulasyn su basty. Tasqyny qatty aǧyn su jaŋbyr men erıgen qar esebınen ūlǧaiyp ondaǧan köşenı şaidy. Tıptı kei baspanalardyŋ ışıne de kırgen, dep "Adyrna" ūlttyq portaly.
Tolassyz jauǧan jaŋbyr men erıgen qar suynyŋ soiqanynan sekem alǧan tūrǧyndar baspanalaryn tasqap qaşqan. Auyl azamattary amaldyŋ joqtyǧynan qoldan jasalǧan jol sürleuımen jürıp-tūruǧa mäjbür. Qyzyl su, tıptı, üilerge kırgen.
Tasqyn sudyŋ betalysyn barlap, barysyn audan äkımınıŋ orynbasary baiandady:
- Jaǧdaidy qalypqa keltıruge audandyq TJB mamandary men äskerilerdı qosa alǧanda 30 adam jäne 8 tehnika jūmyldyrylǧan. Bıraq, būl 30 myŋnan astam halqy bar Ūzynaǧaşty qyzyl sudan aryltuǧa jetkılıksız. «Sondyqtan baspanalary men aulalaryn su şaiǧan tūrǧyndar taǧy bırneşe kün kütuı kerek», - dedı audan äkımınıŋ orynbasary.Onyŋ bırneşe sebebı bar. Tehnika tızgındegen jauapty mamandar taudan auylǧa qarai jylǧalanyp aqqan sudyŋ baǧytyn būrumen äurelenıp jatyr. qazaqstan.tv-dıŋ habarlauynşa, Ūzynaǧaşta aǧyndy suǧa arnalǧan 30-dan astam aryq bar. Aryqtardyŋ denı kül-qoqyspen bıtelıp qalǧan. Qazır 5 nasospen auyldaǧy sudy sorǧyzu jūmystary jürıp jatyr. Tūrǧyndarǧa kelgen şyǧyn älı eseptelmegen, al zardap şekkenderdıŋ mülkı ötele, ötelmei me ol jaǧy da äzırge belgısız.
"Adyrna" ūlttyq portaly
Ūqsas jaŋalyqtar
Qazaqstan
Almaty oblysy
Jetısu
tasqyn su
Köktem
tötenşe jaǧdailar ministrlıgı
qazaqstan tabiǧaty
ūzynaǧaş topan su
