Almaty tūrǧyny Särsen Tölentaev sotynyŋ qazaq tılınde ötuın talap etıp, ötınış jariialaǧan. Alaida, onyŋ ötınışın sot qanaǧattandyrǧanymen, orandamaǧan körınedı. Būl turaly Särsen Tölentaev "Adyrna" ūlttyq portalyna aityp berdı.
"Qazırgı taŋda Almaty garnizonynyŋ sudiasy Rahmetova Zarina hanym maǧan qatysty qylmystyq ıstı qarauda.
Sot otyrysy bastalǧan a.j. 6 qaŋtary künı men sottaluşy retınde sot otyrysy qazaq tılınde jürgızılsın degen ötınış jariialaǧan bolatynmyn jäne osy ötınışımdı sot qanaǧattandyrǧan bolatyn, osy sūraqqa qatysty sottyŋ qaulysyn qosa berıp otyrmyn.
Sodan berı 24 qaŋtar men 2 aqpanda ekı sot otyrysy ötkızıldı. Sol sot otyrystaryna sottyŋ şaqyruymen audarmaşy retınde Äue qorǧanys küşterı qolbasşysynyŋ ofisınde audarmaşy bolyp jūmys jasaityn Qonaeva Qūralai qatystyrylǧan bolatyn. Qorǧauşy taraptyŋ sūraqtaryna audarmaşy Qonaeva Qazaq memlekettıäk qyzdar institutyn qazaq tılın damytu mamandyǧy boiynşa aiaqtaǧanyn aitqan bolatyn, iaǧni ol kısı mamandyǧy boiynşa käsıbi audarmaşy emes bolyp şyqty.
Sot otyrysynda Qūralai qaryndasym zaŋ salasyna, qylmystyq proseske qatysty sūraqtar boiynşa jäne sotta söilegen taraptardyŋ uäjderıne tolyqqandy audarma jasauǧa bılıktılıgı jetıspeitının özı de moiyndady. Osyǧan qatysty sudia Rahmetova atalǧan audarmaşy ärı qarai sotqa qatystyrylmaidy degen şeşım qabyldady", dedı Särsen Tölentaev.
Sondai-aq, sudia jäbılenuşı taraptyŋ sot orys tılınde ötsın degen ötınışın qanaǧattandyrǧan. Oǧan sebep, sudia Rahmetova qazaq tılıne şorqaq eken.
“Audarmaşy tügıl sudia Rahmetovanyŋ özı qazaq tılıne şorqaq ekenın aiqyn kördık, onyŋ dälelı retınde sot otyrysynyŋ audio-beinejazbalaryn ūsyna alamyn. 24.01 men 02.02 kündergı sot otyrystarynda sudia Rahmetova qazaq tılın bılmegendıge qatysty äbden tityqtady jäne būdan qalai qūtylamyn degen aidarmen 13.02.23j. jäbırleşınıŋ sot otyrysy orys tılınde jalǧastyrylsyn degen ötınışın qanaǧattandyryp, osy jaily sot qaulysyn şyǧardy, ol qaulyny da qosa berıp otyrmyn.
Osylaişa sudia Rahmetova Qazaqstan Respublikasynyŋ Atazaŋy men tıl turaly zaŋyn pysqyrmai otyr desem artyq aitqan bolmaspyn. Būndai sudiaǧa ne deuge bolady? Sudialardyŋ qazaq tılın bıluı zaŋ talaby emes pe?
Osyǧan qatysty BAQ-ryn a.j. 1 nauryzy künı saǧat 10-00-ǧa belgılengen sot otyrysyna kelıp qatysuǧa şaqyramanyn. Kelıŋızder! Sot aşyq. Jaŋa Qazaqstannyŋ soty qalai ötetının körıŋızder!
Qazaqstan halqyna arnalǧan Joldauynda Prezidentımız: «Ata Zaŋ boiynşa Qazaqstanda bır ǧana memlekettık tıl bar. Būl – qazaq tılı» dep edı ǧoi, osyny sudialar qalai oryndap jatqanyn estıŋızder! Būǧan qosa – ışterıŋızde audarmaşy boluǧa bılımı men bılıktılıgı jetkılıktı adamdar bolsa maǧan audarmaşy qyzmetın körsetuge atsalysyŋyzdarşy, ökınışke orai sot şaqyrǧan audarmaşylarǧa senım az bolyp tūr", dep küiındı Särsen Tölentaev.
