QR Prezidentınıŋ keŋesşısı Erlan Qarin elımızde partiialar üşın şynaiy bäsekelestık orta qalyptasqanyn aitty, dep habarlaidy «Adyrna» tılşısı.
«Aldaǧy sailaudyŋ alǧyşarty 2022 jyldyŋ nauryz aiynda, iaǧni, Prezident öz Joldauynda saiasi reformalardyŋ jan-jaqty baǧdarlamasyn ūsynǧanda qalanǧan bolatyn. Bır jylǧa jetpeitın uaqytta partiialar üşın şynaiy bäsekelestık orta qalyptasty, azamattardyŋ Parlament pen mäslihattarǧa özın-özı ūsynuyna jol aşyldy. Mūny qolda bar statistika da däleldep otyr. Mysaly: 1) Parlament sailauyna barlyq jetı saiasi partiia qatysyp jatyr. Onyŋ ekeuı partiia turaly zaŋnamaǧa özgerıster engennen keiın tırkeldı. Sondyqtan partiialar arasyndaǧy bäsekelestık būl sailau kampaniiasynyŋ negızgı elementı bolmaq. 2) Mäjılıs deputaty boluǧa partiialyq tızım jäne bır mandatty okrugter boiynşa barlyǧy 892 azamattyŋ kandidaturasy ūsynyldy (ortaşa eseppen 1 mandatqa 9 ümıtkerden keledı). Sailauǧa qoǧam qairatkerlerı men azamattyq belsendılerdıŋ köptep qatysyp jatqany (onyŋ ışınde, ädette bilıktı synap jürgen azamattar da bar) olardyŋ jürgızılıp jatqan reformalarǧa senımı men qoldauyn bıldıredı. Elımızde soŋǧy jyldary oryn alǧan barlyq özgerısterdı, barlyq jaŋaşyldyqtar men reformalardy jūrtşylyqtyŋ qyzu qoldap otyrǧanyn halyq arasynda jürgızılgen äleumettık zertteuler de körsetıp otyr. Qazaqstannyŋ strategiialyq zertteuler institutynyŋ mälımetınşe, qazaqstandyqtardyŋ 71,7 paiyzy elımız dūrys baǧytta damyp kele jatyr dep sanaidy»,—dedı ol.
