Baianauylda bır otbasy kömır gazynan qaitys boldy

Pavlodar oblysynda jüktı äiel, onyŋ azamattyq nekedegı küieuı jäne ekı balasy gazdan ulanyp qaza tapty, - dep habarlaidy "Adyrna" ūlttyq portaly. Densaulyq saqtau basqarmasynyŋ  habaryna qaraǧanda, oqiǧa 6 aqpanda keşkı saǧat 9-da Baianauyl audany Ūzynbūlaq aulynda bolǧan. "1980 jylǧy äiel qaza tapty, onyŋ qūrsaǧynda jetı ailyq bala bolǧan. Ol 31 qaŋtardan berı audandyq emhanada tırkelgen. Onyŋ azamattyq nekedegı küieuı 1979 jylǧy. Ol 5 aqpanda Osakarov auylynan (Karaǧandy oblysy) kelgen. Üide 2004 jäne 2007 jylǧy ekı bala bolǧan. Olar jylytu peşınıŋ gazynan ulanǧan. Jedel järdem orynǧa kelısımen tört adamnyŋ qaza bolǧandyǧyn rastaǧan", - dedı basqarmanyŋ baspasöz ökılderı. Vedomstvo ökılderı qaza tapqan äieldıŋ ekı balasy artynda qalǧanyn aitty. Olar Baianauylda kolledj studentterı eken. Qazırgı uaqytta balalar Baianauyl äkımdık ökılderınıŋ qarauynda.