Senetin jóni bar. Óıtkeni «Amanat» partııasy qazirgi baǵdarlamasynda ǵana kórsetip qoımaı, aýyldy damytýǵa únemi kúsh salyp kele jatyr. Shabyndyqtyń qoljetimdi bolýy, jaıylym jerdiń aýyl halqyna qaıtarylýy, mal sharýashylyǵyndaǵy sýbsıdııa, sharýalarǵa nesıe bergizý, egistik alqabyndaǵy azamattarǵa da sýbsııadııa berý, dıqandardyń kúzgi oraǵyn shetelge satýǵa kómektesý deısiz be, aıta berseń kóp. Sondyqtan aýyl máselesin «Aýyl» partııasy ǵana arqalap júrgen joq. Aýyldy «Aýyl» menshikteı almaıdy. Urandary da qyzyq. «Aýyl tórge shyqsyn!». Oıpyrym-aı, olardy kim bosaǵaǵa otyrǵyzyp qoıyp edi! Túptep kelgende aýyldyń ózi tór! Endeshe bólinip ne keregi bar?! Endi bireýimiz qalanyń máselesin kóterip, «Qala» partııasyn quryp almaıtyn shyǵarmyz!
Demek, aýyl halqynyń «Amanatqa» úmittenýi jáne qoldaýy zańdy qubylys. Sebebi «Amanat» ta aýyldan shyqqan. Partııadaǵy azamattardyń deni aýylda ári qaladaǵysynyń toqsan toǵyz paıyzy elimizdiń ár túpkirinen kelgen azamattar. Sondyqtan da aýyl máselesi «Amanattyń» kún tártibinen eshqashan túspeıtin bolady.
Beınejazbany kórý úshin siltemeni basyńyz.
Aıdos Juqanuly
