Temırtaulyq poliseiler bes qabatty üidıŋ töbesınen sekırmekşı bolǧan azamatty aman alyp qaldy, dep habarlaidy «Adyrna» tılşısı Polisia.kz-ke sılteme jasap.
2 nauryz künı saǧat 15:30 şamasynda Temırtau qalalyq polisiia basqarmasynyŋ jedel basqaru ortalyǧyna 9-yqşam audanda ornalasqan bes qabatty üidıŋ töbesınde er adam öz-özıne qol jūmsap, sekırmekşı bolyp jatqany turaly habarlama tüstı. Oqiǧa orynyna sol maŋǧa jaqyn qalalyq polisiia basqarmasy patruldık polisiia batalonynyŋ jasaqtary, qūramynda vzvod komandirı Süiındık İmangaliev qyzmet inspnektory Bekbolat Sagadiev, sondai-aq ekınşı ekipaj Nūrlan Serıkov pen Rüstem Eleuken jıberılgen.
Oqiǧa orynyna kelgen polisiia qyzmetkerlerı üidıŋ töbesınde otyrǧan jasy 35 şamasyndaǧy azamatty baiqaǧan. Üstınde kürtesı bar azamat şatyrdyŋ şetınde otyryp, eger maǧan jaqyndasaŋdar töbeden sekıremın degen.
– Būndai jaǧdaida eŋ bastysy adamnyŋ köŋılın aulap, şūǧyl şeşımge barmauy üşın äreket etu basty mındetımız boldy. Sondyqtan men ärıptesım ekeuımız odan ne bolǧanyn sūrap, qandaida bır kömek kerekpe degen saualdar qoidyq. Söitsek, ol joldasymen ūrysyp qalǧandyqtan, osyndai şeşımge barmaq bolǧan. Bız odan joldasynyŋ telefon nömırın alyp, joldasymen söilesıp, ony keşırgenın jäne üiıne baruǧa bolatynyn aittyq, – deidı Süiındık İmangaliev.Tärtıp saqşylary azamatpen söilesıp jatqanda qyzmet inspektorlary Nūrlan Serık pen Rüstem Eleuken besınşı qabatqa köterılgen.
– Töbede otyryp, tömende tūrǧan ärıptesterımızben söilesıp otyrǧan azamatty kördık. Sosyn oǧan bıldırtpei artynan baryp, ony ūstap alyp, qauıpsız jerge apardyq, – deidı Nūrlan Serık.Azamatty jerge tüsırıp, medisinalyq tekserısten ötkızgennen keiın oqiǧanyŋ män-jaiyn anyqtau maqsatynda ol polisiia bölımıne jetkızıldı.
