Ýkraına Bas prokýrorynyń ofısi Qazaqstan Respýblıkasy Bas prokýratýrasynyń qarjy pıramıdasynyń qyzmetin uıymdastyrǵany jáne basqarǵany úshin qylmystyq jaýapkershilikke tartý úshin Qazaqstan azamatshasy K.-ny ekstradıııalaý týraly ótinishin qanaǵattandyrdy.
Tergeý barysynda atalǵan adamnyń 2017-2018 jyldar kezeńinde turǵyn úı satyp alýǵa járdemdesýge ýáde berip, qazaqstandyq azamattardyń 85 mln teńgeden astam aqshalaı qarajatyn aldap alǵany anyqtaldy.
Qylmys jasaǵannan keıin áıel K. qylmystyq qýdalaý organdarynan jasyrynyp, halyqaralyq izdeýge jarııalandy.
2023 jylǵy qańtarda kúdiktini Ýkraına aýmaǵynda sol eldiń quqyq qorǵaý organdary ustady.
Búgin Qazaqstannyń Bas prokýratýrasy men Interpol qyzmetkerleri sheteldik áriptesteriniń kómegimen K.-ny bizdiń elimizge ekstradıııalady.
Qazirgi ýaqytta ol Astananyń tergeý ızolıatoryna qamaldy. Joǵaryda atalǵan qylmys jasaǵandar 5 jyldan 12 jylǵa deıin bas bostandyǵynan aıyrylýy múmkindigin eskertemiz.
"Adyrna" ulttyq portaly
