Elımızdıŋ damuyna qarjygerlerdıŋ qajyrly qairaty qajet. Al Qazaq elınde ekonomikalyq baǧytta bılım alyp, tiımdı jūmys ıstep jatqan jas ǧalymdar barşylyq. Solardyŋ ışınde Nazarbaev universitetınıŋ tülegı Dosbol Sosialhannyŋ esımın atauǧa bolady. Qytaida düniege kelıp, tuǧan jerde bılımın jalǧastyryp jatqan azamat Qazaq elınıŋ ekonomikalyq damuyn qalai elestedı?
«Özge elde sūltan bolǧanşa, öz elıŋde ūltan bol» degen sözdı qaperge alǧan Dosbol Sosialhan 2018 jyly elge kelıp, 2019 jyly Qazaqstan Respublikasynyŋ azamattyǧyn alady. Qytaidyŋ JOO bılım alǧan azamat Qazaq elıne kele salyp, Nazarbaev universitetınıŋ tülegı atanady.
«Qytaidyŋ joǧary orta mektebınde 4 jyl bılım aldym. Odan keiın 2013-2017 jyldary Şaŋhai Lişin atyndaǧy Esep jäne qarjy universitetınde qarjy injenerı mamandyǧynda bılımımdı tolyqtyrdym. Al elge kelgennen keiın 2020-2022 jyldary Nazarbaev universitetınıŋ magistranturasynda ekonomika salasy boiynşa oqydym. Sol jyldary atalǧan universitette oqytuşynyŋ kömekşısı bolsam, qazırgı taŋda professordyŋ kömekşısı retınde qyzmetımdı jalǧastyryp jatyrmyn. Negızı Nazarbaev universitetı joǧary deŋgeide bılım beredı. Mäselen mūnda özımız alǧan bılımdı igerıp qana qoimai, ony odan ärı jetıldıruge mol mümkındık berılgen. Nazarbaev universitetındegı bılım beru jüiesın qytaidaǧy özım oqyǧan oqu ornynda körmedım. Jalpy özım aldaǧy bolaşaǧymdy ǧylym jolmen bailanystyramyn. Sondyqtan da şet eldıŋ joǧary deŋgeidegı univesitetınıŋ doktaranturasynda oquymdy jalǧastyrudy josparlap otyrmyn. Qazırgı kezde älemdegı ırgelı oqu oryndaryna qūjattarymdy tapsyryp, jauap kütıp otyrmyn. Ameriaka men Europalyq elde bılımımdı jetıldırıp, olardyŋ bılım beru jüiesımen tanysqym keledı», – deidı ol.Jas ekonomisten Qazaqstannyŋ ekonomikalyq tūrǧydan damuy üşın qai baǧytpen jüru kerek dep sūradyq. Dosbol Sosialhannyŋ aituynşa, bır eldıŋ ekonomikasy damu üşın geografiialyq, ūlttyq, mädeni jäne dıni jaǧdaiyna män beru kerek.
«Elımızdıŋ ekonomikalyq jaǧdaiy jaqsaruy üşın ūlttyq ereşelıgımızge sai jūmystar ısteluı kerek. Naqtyraq aitsam bılım beru jüiesın jetıldırıp, otbasy müşelerınıŋ jūmysşy küşıne män beru kerek. Negızı on jyldan berı aitylyp kele jatqan ekonomikany ärtaraptandyru degen mäsele bar. Bız būǧan deiın mūnai, gaz salasyna täueldı boldyq. Bıraq būl mäselenı Qazaqstannyŋ öz ükımetı şeşe almaidy. Mysaly şeteldık investorlar Qazaqstanǧa investisiia qūiu üşın olardyŋ saraptau, taldau degen prosesterı bolady. Olar «Qazaqstanǧa kelıp ne üşın investisiia qūiuuym kerek» dep oilaidy. Olardyŋ elge kelıp, jūmys ısteuıne barlyq jaǧdai jasau kerek. AQŞ pen Europanyŋ myqty kompaniialary Qytai men Reseidıŋ investorlarymen salystyrǧanda az keledı. Nege? Būl zaŋdyq jaǧymyzdyŋ osaldyǧynan ba, joq älde būǧan saiasi jaǧdai sebep bolyp otyr ma? Eger olardyŋ Qazaqstanǧa kelgısı kelmeitın bır sebebı bolsa, bız ony tez arada tüzeuımız kerek», – deidı Dosbol Sosialhan.Jas ǧalymnyŋ aituynşa, el ekonomikasynyŋ ösıp örkendeuıne investisiia äser etedı. Al investisiia tartu üşın el Ükımetı qolaily jaǧdai jasap otyr ma? Sız ne deisız, oqyrman?
