"Jürekten qozǧaiyn, Ädepten ozbaiyn."
Abai
Men üşın Abai - ülken tūlǧa. Onyŋ bızge qaldyrǧan mūrasy - tausylmas qazyna. Ärine, men Abai şyǧarmalarynyŋ bärımen tanysyp ülgergen joqpyn. Bälkım, Abai älemıne saiahat jasap şyǧu üşın, bükıl ǧūmyryŋdy arnau kerek şyǧar. Eŋ alǧaş ret Abaidyŋ öleŋın 7 synypta jattaǧan bolatynmyn. Abai öleŋderı ūnaǧany sonşalyqty, ärı qarai kelesı öleŋderın jattauǧa kırıstım. Söitıp, 7 synyptan bastap " Abai oqularyna" qatysa bastadym. Ärine, Abai öleŋderın naqyşyna keltırıp aitatyn jüirıkterdıŋ arasynda jasqanǧanym ras. Sebebı, Abaidyŋ eluden astam öleŋın bıletın balalar boldy, al menıŋ bıletınım ol kezde nebırı 3 öleŋ ǧana bolatyn. Sol kezde menıŋ qasyma mūǧalımım kelıp: " Eŋ bastysy - sany emes, sapasy" dep maǧan basu aitty. Sodan soŋ men sahnaǧa şyǧyp, bar jan - tänımmen, jürek tebırenısımmen özım bıletın Abai öleŋderın aityp berdım. Osylaişa menıŋ Abai älemındegı tūŋǧyş qadamym bastaldy. Baiqauda men 3 - därejelı diplomǧa ie boldym. Bıraq, ol menı toqtatpady, sebebı ol da jeŋıs, men öz - özımdı jeŋdım, özıme özımdı däleldedım. Söitıp 8 synypta taǧy da qatysyp, taǧy da 3 - oryn aldym. «Seŋbe jūrtqa, tūrsa da qanşa maqtap, Äure etedı ışıne qulyq saqtap. Özıŋe sen, özıŋdı alyp şyǧar Eŋbegıŋ men aqylyŋ ekı jaqtap» - degen jyr şumaqtary, eŋ alǧaş Abai oqularynda jatqa aitqan öleŋım bolatyn. Osy bır öleŋ, sol kezdegı menıŋ ışkı sezımımdı beinelep tūrǧandai äser qaldyrdy. Ärdaiym sol öleŋdı esıme tüsırıp, özıme bır quat alamyn. Söitıp kelesı jyly «Bırınşı oryn alamyn!» degen maqsatpen bardym.. Menımen bırge, menıŋ qazaq tılı jäne ädebiet pänınen beretın mūǧalımı Laura Nurlanqyzy bardy. Menıŋ ūstazyma degen alǧysym şeksız, öitkenı, ol kısı menı Abai älemımen tanystyryp, Abai şyǧarmaşylyǧyna tereŋ boilauǧa talpyndyrdy, "Abaitanu" degen ülken, ūly ıske ūmtyldyrdy. Orys synybynda oqysam da menı qazaq tılı jäne ädebiet pänderınen olimpiadalarǧa qatystyrdy. Tıptı, menı jetektep, qol jetpes biık şyŋǧa ūqsaǧan, ekınıŋ bırınıŋ ruhy jete bermeitın, " Abai oqulary " syndy jüzden jüirık, myŋnan tūlpar talaptylar baq synasatyn bäigege de alyp bardy. Būl - ūstaz üşın de, oquşy üşın de ülken jauapkerşılık. Sol jauapkerşılıktı ūstaz ekeumız bırge köterdık. Osylai, kelesı jyly, audandyq " Abai oqularyna " qatysyp bas jülde iegerı bolyp, mekteptıŋ namysyn qorǧau üşın qalaǧlyq baiqauǧa joldama aldym. Men qatty quandym, öitkenı, ol menıŋ ǧana emes, maǧan ümıt artyp, sengen ūstazymnyŋ da jeŋısı edı. Abaidyŋ ärbır tuyndysynda tereŋ maǧyna jatyr. Danyşpan aqyn barlyq uaqyttyn ötkennıŋ de, bügıngınıŋ de, bolaşaqtyŋ da kez-kelgen mäselesın aqyl- aiasyna siǧyza bılgen. Abaidyŋ keibır öleŋderınen men özımdı tapqandai boldym. Abai öleŋderınıŋ ärbır sözı, ärbır joly ,ärbır şūmaǧy menıŋ dünietanymyma , ömırdı tüsınuıme özek boldy. Abai öleŋderın oqyǧan saiyn, Abai älemıne bırtındep enıp bara jatqanymdy jan düniemmen sezınemın. Abaidy qaitadan oqyǧan saiyn, onyŋ ärbır sözın, ärbır şūmaǧyn qaitadan jaŋa qyrynan, özgeşe bır maǧynada tüsınıp, būrynǧydan da tereŋ oi tüigendei bolamyn. Jäne bır ǧajaby, sonau ūly Abai ömır sürgen kezeŋge bır sät sapar şegıp qaitqandai küi keşemın. Menıŋ oiymşa, ūly Abaidy tek qazaq qana bılu tiıs emes,ony bükıl älem, bükıl halyq, bara adamzat bıluı kerek.Airet Janel
Almaty qalasyndaǧy 157 - mekteptıŋ 11 – «v» synyp oquşysy
