Astana qalasynda Gúlmıra Satybaldy isi boıynsha aldyn ala tyńdaý bastaldy, dep jazady "Adyrna" ulttyq portaly.
Informburo.kz habarlaýynsha, Gúlmıra Satybaldyǵa ózinshe bılik etý men adam urlady degen aıyp taǵylǵan. Sonymen qatar, iste onyń júrgizýshisi Mádı Batyrshaev pen Rashıd Ótebekov te aıyptalýshy retinde tanylǵan.
Aldyn ala tyńdaý barysynda Gúlmıra Satybaldynyń advokattary sottalýshyǵa qatysty barlyq qylmystyq isti biriktirýdi jáne bultartpaý sharasyn úıqamaqqa ózgertýdi surady.
"Gúlmıra Satybaldynyń qamaýǵa alynǵanyna bir jyldan asty. Onyń úsh balasy, bes nemeresi bar. Ol áıel, oǵan qamaýda otyrý qıyn. Gúlmıra Satybaldynyń minezi oń sıpattalady, turaqty turǵylyqty jeri bar. Ol aldyn ala shaqyrtý boıynsha barlyq sot otyrysyna qatysýǵa daıyn, sondyqtan bultartpaý sharasyn úıqamaqqa nemese kepilge aýystyrýdy suraımyz", – dedi advokat Ásel Rabatova.
Alaıda prokýror Almıra Qojahmetova bultartpaý sharasyn ózgertýge qarsylyq tanytty. Onyń aıtýynsha, Gúlmıra Satybaldy sotqa deıingi is júrgizý kezinde elden ketip qalmaq bolǵan.
"Bultartpaý sharasy negizder bolǵan jaǵdaıda ózgertilýi múmkin. Qazirgi ýaqytta mundaı negizder anyqtalǵan joq, óıtkeni sotqa deıingi is júrgizý barysynda sottalýshy Gúlmıra Satybyldynyń shekarany kesip ótpek bolǵan faktileri bolǵan. Sondyqtan bultartpaý sharasyn ózgertýge bolmaıdy dep esepteımin", – dedi prokýror.
Aldyn ala tyńdaý otyrysynyń sheshimi búgin, 9 naýryzda belgili bolady.
Eske salaıyq, 2022 jyldyń naýryz aıynda Sybaılas jemqorlyqqa qarsy qyzmet Qaırat Satybaldyuly men onyń burynǵy áıeli Gúlmıra Satybaldyǵa jáne basqa da tulǵalarǵa qatysty bıznesti reıderlik basyp alý faktisi boıynsha sotqa deıingi tergeýdi bastaǵan edi. Sol jyly 16 naýryzda Gúlmıra Satybaldy Qylmystyq proessýaldyq kodekstiń 128-baby boıynsha ustalyp, Astana qalasynyń ýaqytsha ustaý ızolıatoryna qamalǵan bolatyn.
"Adyrna" ulttyq portaly
