Sı zınpın úshinshi ret QHR Tóraǵasy bolyp saılandy, dep jazady "Adyrna" ulttyq portaly.
Memleket basshysy Qasym-Jomart Toqaev Sı zınpındi Qytaı Halyq Respýblıkasynyń Tóraǵasy laýazymyna qaıta saılanýymen quttyqtap, jedelhat joldady.
– Ótken «eki sessııa» qorytyndysy boıynsha qabyldanǵan mańyzdy sheshimder men Sizdiń parasatty saıasatyńyz halqyńyzdy bıik qundylyqtarǵa jetelep, Qytaıdyń bolashaǵyn jarqyn, al damýyn baıandy etýde myzǵymas negiz bolatynyna nyq senimdimin. Qazaqstan men Qytaı arasyndaǵy tyǵyz baılanystardyń aýqymy jyldan jylǵa keńeıip kele jatqanyn asa rızashylyqpen atap ótemin. Osy jetistikterimiz Sizdiń qosyp otyrǵan súbeli úlesińiz ben jeke qoldaýyńyzdyń nátıjesi dep bilemin. Byltyr qyrkúıekte Qazaqstanǵa jasaǵan nátıjeli saparyńyz yqpaldastyǵymyzdyń kelesi «30 jyldyq altyn dáýirine» jol ashqany erekshe qýantady, – dep jazylǵan jedelhatta.
Prezıdent Qytaı Tóraǵasynyń ıgi bastamalaryna sáttilik, jaýapty qyzmetine tolaǵaı tabys, al dostas Qytaı halqyna qut-bereke tiledi.
"Adyrna" ulttyq portaly
