Almaty jylu jelılerınıŋ bas direktory men basqa da basşylary jemqorlyq üşın sottaldy. Būl turaly Antikor habarlady, dep jazady "Adyrna" ūlttyq portaly.
Almaty qalasy Medeu audanynyŋ №2 sotynyŋ ükımımen para alǧany üşın sottaldy:
– «Almaty jylu jelılerı» JŞS (būdan ärı - AJJ) bas direktory K. Beisenbinovke 560 mln. teŋge somasyndaǧy aiyppūlǧa;
– AJJ bas injenerı D. Qazymbetov 560 mln. teŋge somasyndaǧy aiyppūlǧa;
– AJJ Kürdelı qūrylys basqarmasynyŋ bastyǧy S. Djingilbaev 560 mln. teŋge kölemındegı aiyppūlǧa;
Para bergenı üşın «SpesKommunStroi» JŞS direktory B.Razimbekov 400 mln. teŋge aiyppūl türınde jaza taǧaiyndaumen sottaldy.
Atalǧan adamdar memlekettık qyzmette qyzmet atqaru qūqyǧynan ömır boiyna aiyryldy.
Sottalǧandar üşın aiyppūldyŋ jalpy somasy 2 mlrd. 80 mln. teŋgenı qūrady, būl 350 oryndyq mektep nemese 320 oryndyq balabaqşa qūrylysynyŋ biudjetıne teŋ.
AJJ lauazymdy tūlǧalary Almaty qalasynda jylu jelılerın qaita qūru turaly şarttar boiynşa oryndalǧan jūmystar aktılerıne kedergısız qol qoiǧany jäne aqşa qarajatyn audarǧany üşın B. Razimbekovten 16 mln. teŋge somasynda para aldy dep küdıktendı.
QR QK 41-babyna säikes aiyppūl belgılengen merzımde tölenbegen jaǧdaida jaza şarasy bas bostandyǧynan aiyruǧa auystyrylady (sot ükımı zaŋdy küşıne engen joq).
"Adyrna" ūlttyq portaly
Ūqsas jaŋalyqtar
