Almaty jylý jelileriniń bas dırektory men basqa da basshylary jemqorlyq úshin sottaldy. Bul týraly Antıkor habarlady, dep jazady "Adyrna" ulttyq portaly.
Almaty qalasy Medeý aýdanynyń №2 sotynyń úkimimen para alǵany úshin sottaldy:
– «Almaty jylý jelileri» JShS (budan ári - AJJ) bas dırektory K. Beısenbınovke 560 mln. teńge somasyndaǵy aıyppulǵa;
– AJJ bas ınjeneri D. Qazymbetov 560 mln. teńge somasyndaǵy aıyppulǵa;
– AJJ Kúrdeli qurylys basqarmasynyń bastyǵy S. Djıngılbaev 560 mln. teńge kólemindegi aıyppulǵa;
Para bergeni úshin «SpeKommýnStroı» JShS dırektory B.Razımbekov 400 mln. teńge aıyppul túrinde jaza taǵaıyndaýmen sottaldy.
Atalǵan adamdar memlekettik qyzmette qyzmet atqarý quqyǵynan ómir boıyna aıyryldy.
Sottalǵandar úshin aıyppuldyń jalpy somasy 2 mlrd. 80 mln. teńgeni qurady, bul 350 oryndyq mektep nemese 320 oryndyq balabaqsha qurylysynyń bıýdjetine teń.
AJJ laýazymdy tulǵalary Almaty qalasynda jylý jelilerin qaıta qurý týraly sharttar boıynsha oryndalǵan jumystar aktilerine kedergisiz qol qoıǵany jáne aqsha qarajatyn aýdarǵany úshin B. Razımbekovten 16 mln. teńge somasynda para aldy dep kúdiktendi.
QR QK 41-babyna sáıkes aıyppul belgilengen merzimde tólenbegen jaǵdaıda jaza sharasy bas bostandyǵynan aıyrýǵa aýystyrylady (sot úkimi zańdy kúshine engen joq).
"Adyrna" ulttyq portaly
