Äleumettık jelıde qazaq auyldaryna tän "balalap, tamyryn keŋge jaiyp" ketken mäselenı aşyq, kesıp aitqan azamatqa qatysty video jaryq kördı. Qaraǧandy oblysy, Būqar jyrau audany, Tūzdy mekenınıŋ tūrǧyny auyldyqtardyŋ "moinyna mınbelegen" mäselelerdı jaiyp salyp, şendılerdı sastyrdy, dep habarlaidy "Adyrna" ūlttyq portaly.
Auyldaǧy mal şarşaşylyǧy men egın şaruaşylyǧyna qatysty keleŋsızdıkterdı, jer mäselesı men jerdı "basyp alǧan" juandardyŋ äreketı söz boldy. Qoǧam belsendısı Aisūltan Jaqypov mūndai videony halyqqa körsetuden şendılerdıŋ özı taisaqtap, basyn ala qaşatynyn jazady:
- Negızı şynaiy jaǧdai osyndai. Kandidattar ädemı söilegendı ǧana jariialaidy köbıne. Bıraq, būl videony da kandidattyŋ ştabyndaǧy jıgıtterdıŋ paraqşasynan aldym. Jarnamasy men PR az kandidat eken. Videodaǧy azamat Qaraǧandynyŋ 18 okrugıne qarasty auylynyŋ tūrǧyny. Jazdai Būqar jyrau, Osokarovka auyldaryn aralap baqqanmyn. Būzau egınge tüsse qamap qoiatyndar bar eken. Şyǧaryp alu üşın tört myŋ teŋge beresıŋ. "Būzau auyldyŋ maŋynda jaiylmauşy ma edı" dersızder. Kei auyldardan ekı jüz metr ūzamai jatyp egıs alqaby bastalady.Aq-sūr kürtelı partiia osyndai jerlerdı qaitaruǧa jūmys ısteuı kerek. Aidaladaǧy jerlerdı qaitaryp alǧanymen auyl tūrǧyndaryna paidasy joq boluy da mümkın...Jazdai jazyp ta, aityp ta baqtyq. Tıptı, auyldardan video da tüsırdım... - dedı qoǧam belsendısı.
Videony körgen oqyrmandar auyl tūrǧynyn qostap, qoldap kettı. Olardyŋ aituynşa, būl Qazaq elındegı barlyq auyldarǧa taŋsyq emes jait.
"Zaŋ boiynşa jer iesı alqabyn mal ötpeitındei qorşap aluǧa mındettı. Eger qorşalmaǧan bolsa, erkın jaiyla bersın. Malyŋdy qamauǧa qūqy joq! Qamasa - onda sotqa beruıŋe bolady";
"Qaraǧandy oblysynda mal jäiılımı defisit. Keibır audandarda şabyndyq alqaptar müldem joq deuge bolady. Äkım qaralar qarapaiym qazaqqa būiyrmasyn dep tanys tamyrlaryna artqy esıkten berıp jıbergen. Halyqqa tiesılı jerler bır tyşqaq laǧy joq dökeilerge qyzmet jasap jatyr";
"Jer auyldan 5km qaşyqta boluy şart...";
"Būl barlyq jerde öte maŋyzdy mäsele " dep aşyndy oqyrman qauym.
"Adyrna" ūlttyq portaly
sailau
mal
#egıstık
egın
auyl mäselesı
Jaŋa Qazaqstan
qazaq elı
auyl jaiy
mal jaiy
mal basy
jer şaruaşylyǧy
ügıt-nasihat