Jalpy elimizde kópshiliktiń saılaýdaǵy ádildikke kúmánmen qaraıtyny ras. Buǵan úlken sebep te, negiz de bar. Bas kespek bolsa da, til kespek joq! Osyǵan deıingi saılaýlarda eresekterdiń essiz áreketine talaı kózimiz kýá, kóńilimiz kúpti bolǵan. Tipti jurtshylyq saılaýǵa barýdan bas tartyp, «ózderi saılaı salsyn» deıtin dárejege jetkenimiz jasyryn emes. «Meniń daýysymnan birdeńe ózgere qoıar deımisiń» degenderdi de kórdik. Biraq ózgeris ózimizden bastalatynyn umytpaǵanymyz jón.
Saıasatta «eger sen daýys berýge barmaı, saılaýdan qalys qalsań, bılikke kelgen saıası kúshten eshteńe talap etpe» degen qaǵıda bar. Sebebi olar sensiz de saılap alady. Al urlyq saılaýǵa selqos qaraǵandardyń esebinen jasalatyny belgili. Mine, «sendim, saıladym» dep sendelip qalatynymyz sodan. Táýba, Toqaevtaı táýir basshy kelip, tóńiregimizge qaraıtyn, ádil saılaý ótkizetin kúnge jettik. Saılaýdyń ashyqtyǵyn qamtamasyz etetin qadam jasadyq. Saılaý júıesine júrgizilgen reformalar aýyz toltyryp aıtarlyqtaı. Endi eshkimge jasandy artyqshylyq berilmeıdi dep senemiz. Soǵan qaramastan «ádiletsizdikke ázirlenip jatqandar» joq dep aıtý qıyn.
Sondyqtan endigi jerde el taǵdyryna beı-jaı qaramaı óz tańdaýymyzdy ózimiz jasaǵanymyz durys. Onyń ústine bul saılaý burynǵydan ózgerek. Óıtkeni bul jolǵy saılaýǵa baǵyty - aıqyn, jospary - nyq «Baıtaq» jasyldar partııasy qatysyp jatyr. Baıtaqtyń belgili bolǵany beriden emes, arydan aıqyn. 2016 jyldan paıda bolǵan ekologııalyq qozǵalys, búginde ábden pisip-jetilip partııalyq deńgeıge kóterilip otyr.
Quramyna qur sózdiń quryǵyndaǵylar emes, naǵyz istiń adamdary jınalǵan. Baǵyndyrǵan belesteri de bulyńǵyr emes. Basqalarǵa qaraǵanda baǵyty aýqymdyraq. El men jerdiń jaıyn qatar qozǵaıdy. Ózgeler sekildi baılyq qaıda bolsa, baǵyty sonda emes. Eń basty qundylyǵy – adam ómiri. Olar Parlamentke barsa, eldiń baılyǵymen esepsiz baıyp otyrǵandarǵa toqtaý salmaq. Aýany lastap, halyqty aýrýǵa dýshar etkendermen aıaýsyz kúres júrgizip, onkologııalyq aýrýlar men basqa da dertter úshin ótemaqy tóletpek. Sondaı-aq olar halyqtyń áleýmettik jaǵdaıyn túzeımiz dep bekinip otyr.
Qoryta aıtqanda, qaıratymyzǵa qaıta minetin kez keldi. Ádiletsizdik áleginen áreń arylǵanda, ózimshilderdiń ózgelerdiń daýysyn urlaýyna jol bermeńiz! Saılaýǵa kelip, besinshi nómirdegi «Baıtaqqa» daýys berińiz!
Daıyndaǵan: «Baıtaq» partııasynyń baspasóz qyzmeti
Tapsyrys berýshi: Azamathan Ámirtaı
«Baıtaq» partııasynyń saılaý qory qarajaty esebinen tólendi.
Oralbaı Mergenbaıuly
"Adyrna" ulttyq portaly
