Qazaqstan Resei ǧaryş ailaqtarynyŋ bas operatory "Jerdegı ǧaryş infraqūrylymyn paidalanu ortalyǧynyŋ" mülkın būǧattady. Būl turaly Azattyq radiosy habarlady, dep jazady "Adyrna" ūlttyq portaly.
The Moscow Times basylymynyŋ Orys qyzmetınıŋ habaryna qaraǧanda, oǧan Resei operatorynyŋ "Bäiterek" kompaniiasyna (Qazaqstan men Reseidıŋ bırlesken kompaniiasy) 13,5 mlrd teŋge bereşegı sebep bolǧan. Būl qaryz "Soiuz-5" zymyran tasyǧyşynyŋ qorşaǧan ortaǧa äserın baǧalau jūmystaryna bailanysty paida bolǧan.
"Qazaqstan sot oryndauşylary Resei operatorynyŋ Qazaqstannan materialdyq qūndy zattardy alyp şyǧuyna jäne operator jetekşılerınıŋ tergeu aiaqtalǧanşa respublikadan ketuıne tyiym salǧan",- dep jazady KZ24.Ǧaryşty igeru baǧdarlamasyn bırge jüzege asyru üşın 2005 jyly Qazaqstan men Resei bırlesıp, "Bäiterek" käsıpornyn qūrǧan. Baǧdarlamada uly geptilmen ūşatyn "Proton" zymyran tasyǧyşynyŋ ornyna ekologiialyq tūrǧydan zalalsyz zymyran tasyǧyş paidalanuǧa köşu közdelgen. Jaŋa start alaŋyn salu josparlanǧanymen, ol keiınge qaldy. KZ24 aqparattyq portaly Qazaqstannyŋ qataŋ talapqa köşkenı "Roskosmostyŋ" jaŋa basşysy Iýrii Borisovtyŋ Qazaqstannyŋ sifrlyq damu, innovasiialar jäne aeroǧaryş önerkäsıbı ministrı Baǧdat Musindı synaǧanyna qatysy bar boluy mümkın dep boljaidy. Borisov ony "Qazaqstan start alaŋynyŋ qūrylysyn jarty jylǧa keiınge qaldyrdy" dep synaǧan. Musin Borisovtyŋ synyn "diplomatiialyq qate" dep ataǧan.
"Adyrna" ūlttyq portaly
